“YOUTUBE”-ЫН ҮЙЛ АЖИЛЛАГАА ТҮР ХУГАЦААНД ДОГОЛДЖЭЭ

5bc6ea466cdb6.jpeg “YOUTUBE”-ЫН ҮЙЛ АЖИЛЛАГАА ТҮР ХУГАЦААНД ДОГОЛДЖЭЭ

Дүрс бичлэгийн цахим хуудас болох “YouTube” мягмар гарагийн шөнө дунд 90 орчим минутын турш үйл ажиллагаа нь доголдсон тухай “NHK” суваг мэдээлэв.

Компанийн мэдээлснээр, ямар алдаа гарсаныг хараахан олж тогтоогоогүй байгаа бөгөөд мэргэжилтнүүд учир шалтгааныг олохоор ажиллаж байгаа аж. Тухайн үед цахим хуудас руу нэвтрэхийг оролдох үед алдаа заасан дүрс гарч ирсэн бөгөөд энэ тухай олон хэрэглэгч “Twitter” болон бусад цахим сүлжээнд нийтэлж, гомдол мэдүүлсэн байна.

“Уг асуудлыг зохицуулахаар ажиллаж байгаа бөгөөд бүрэн засварласны дараа хэрэглэгчдэд мэдэгдэх болно” гэж компанийн мэдэгдэлд тэмдэглэжээ.

2005 онд АНУ-ын Калифорни муж улсад байгуулагдсан уг компанийг 2006 оны 10 дугаар сард мэдээллийн технологийн салбарт тэргүүлэгчдийн нэг “Google” компани худалдан авсан бөгөөд “YouTube” нь дэлхий даяар нэг тэрбум гаруй хэрэглэгчтэй ажээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ