МАЛЧИД ХҮССЭН ҮЕДЭЭ ЦАГ АГААРЫН МЭДЭЭГ АВАХ БОЛОМЖ БҮРДЭВ

5bc6e9bcc5720.jpeg МАЛЧИД ХҮССЭН ҮЕДЭЭ ЦАГ АГААРЫН МЭДЭЭГ АВАХ БОЛОМЖ БҮРДЭВ

Дундговь аймгийн бүх сумдын малчид хүссэн үедээ цаг агаар, бэлчээрийн мэдээллийг багийнхаа түвшинд гар утсандаа авах боломжтой боллоо.

Мессеж илгээхдээ багийнхаа бүсчлэлийн кодыг оруулаад дараа зай авч хүссэн мэдээллийнхээ код (1-12)-ыг бичиж, 130 105 дугаарт илгээснээр цаг агаар, бэлчээр, цас, ган, зудын мэдээг авч болох бөгөөд нийт 12 төрлийн мэдээг авах боломжтой юм.

Монгол улсын шуудангийн зип кодыг ашиглан мэдээллийг багийн түвшинд нарийвчлалтайгаар тогтмол шинэчилж байдаг учраас малчин хүнд өөрөө хүссэн үедээ, хүссэн мэдээллээ авах боломжийг олгож буйгаараа систем давуу талтай аж.

Дэвшилтэт технологийг ашигласан энэхүү системийг “Мерси Кор” олон улсын Гамшгийн эрсдлийг бууруулахад уламжлалт болон шинжлэх ухааны аргыг ашиглах нь (LTS-2) төслийн хүрээнд буй болгож, 2015 оноос хойш ашиглаж, сайжруулснаар одоо 21 аймгийн 330 сумыг хамарч төслөө хэрэгжүүлэхээр болжээ.

Төслийн тогтвортой байдлыг хангах үүднээс системийг ОБЕГ-т хүлээлгэн өгч, хамтран ажиллаж байгаа бөгөөд мессеж үйлчилгээ нь Дундговь аймгийн 15 сумын 66 багаас хөдөөгийн 57 багт хэрэгжиж байна.

 

Д.Алтантогос

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ