ГЕРМАН ДОГ ҮҮЛДРИЙН НОХДЫН ЦУГЛАРАЛТ БОЛНО

17-1NOHODT.png ГЕРМАН ДОГ ҮҮЛДРИЙН НОХДЫН ЦУГЛАРАЛТ БОЛНО

GREAT DANE буюу Герман дог үүлдрийн нохдын цугларалт Үндэсний цэцэрлэгт хүрээлэнд 2018.10.20-ны өдөр болно.

Монголын Герман дог эзэмшигчдийн клуб үүсгэн байгуулагдаад 1 жил болжээ. Нэг жилийн ойн хүрээнд тус клубын тэргүүн А.Ганболд ирэх амралтын өдөр Герман дог үүлдэрийн нохдыг эрүүл чийрэг, зөв боловсон тэжээх, хариуцлагатай зөв үржүүлэг хийх, хүмүүст сурталчилан таниулах сургалт зохион байгуулна.

Мөн ОХУ-н Герман дог нохойг дагнан судладаг судлаачдаас Монголд байгаа Герман дог нохдын талаар зөвлөгөө авч бусадтайгаа  санал, солилцоно. Энэ үеэр нохойн үзэсгэлэн тэмцээнд хэрхэн бэлдэж орох, гадаад орчинд хэрхэн зөв сургах талаар мэргэжлийн нохой хөтлөгчийн заавар зөвөлгөөг энэхүү цугларалтанд хүрэлцэн ирсэн хүмүүстэй хуваалцах зэрэг арга хэмжээг багтаасан өдөрлөг болох юм байна. Герман дог эзэмшигчдийн клуб 20 гишүүдээс бүрддэг.

Дэлхий дээр 800 орчим үүлдрийн 400 сая гаруй ноход байдгаас Герман дог нохойг хаанаас нь ч харсан танигддаг аж. Энэ талаар зураач, Герман дог тэжээлэг бүсгүй Л. Мянганцэцэг “Герман дог хаанаас нь ч харсан танигддаг учир нь тэр бол агуу том биетэй ч дэндүү нөхөрсөг гэр бүлийн гишүүн юм. Гайхалтай хүчирхэг, том биетэй, язгууртан мэт өө сэвгүй биеийн бүтэцтэй, ихэмсэг төрхтэй.

Герман дог нохойг бүх нохдын Апполо гэж нэрлэдэг. Түүх сөхвөл...Зэрлэг гахай болон буга агнах зориулалттайгаар энэхүү үүлдэрийн нохойг гаргаж авсан байна.1891онд албан ёсоор Great dane нохойг Герман улсад бүртгэгджээ. Тэдний онцлог чанарыг хувиар илэрхийлбэл хүүхэдтэй хамт байх зан харилцаа нь 100%, бусад амьтадтай нийцэх байдал нь 97%, сургалт авах чадвар 94% харин нөхөрсөг, хамгаалалтын зантай энэхүү нохой нь ганцаараа байхыг тэвчдэггүй. Дэлхий дээрхи аврага том биетэй нохдоос хамгийн алдартай Герман дог нохой Монголд тоотой хэдхэн бий.  Манай клубын гишүүд ч Герман догийн өвөрмөц онцлогийн талаар ингэж санал солилцдог юм." гэж ярив.

 

www.ardchilal.mn Б.БАЯРМАА

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ