ДАШТ-2018 ОРОСЫН ЭДИЙН ЗАСАГТ 952 ТЭРБУМЫГ АВЧИРЖЭЭ

5bc6ba814a2c8.jpeg ДАШТ-2018 ОРОСЫН ЭДИЙН ЗАСАГТ 952 ТЭРБУМЫГ АВЧИРЖЭЭ

“Орос-2018”-ын зохион байгуулах хороо Хөлбөмбөгийн өнгөрөгч ДАШТ-2018 тэмцээний Оросын нийгэм, эдийн засгийн хүрээнд үзүүлсэн нөлөөллийг харуулсан судалгааг нийтэлжээ.

2013-2018 оны хугацаанд Хөлбөмбөгийн дэлхийн аварга шалгаруулах тэмцээний Оросын ДНБ-д үзүүлэх нийт нөлөө 952 тэрбум рублиэр үнэлэгдэж байгаа нь ДНБ-ий 1 орчим хувийг эзэлж байгаа юм.
Хөлбөмбөгийн ДАШТ-2018–ын Оросын ДНБ-д үзүүлэх нийт нөлөө нь Бразил, Өмнөд Африк, Герман болон Өмнөд Солонгосыг давж, Японы үзүүлэлттэй дөхжээ.
ДАШТ-2018-ыг явуулах бэлтгэл ажлын үеэр жилд 315 мянган ажлын байр бий болж, Оросуудын орлого 459 тэрбум рублиэр нэмэгджээ.
Холбооны болон бүс нутгийн төсөвт 2013-2018 оны хугацаанд 164 тэрбум рублийн нэмэлт татварыг оруулжээ.
ДАШТ-2018 зохион байгуулах болон бэлтгэл ажлыг хангахад бүх эх үүсвэрээс гарсан зардал 688 тэрбум рубль болжээ.
ДАШТ-2018 нь гадаад эдийн засгийн харилцаа холбоог хөгжүүлэн, бэхжүүлэхэд бодитой хувь нэмэр оруулсан байна.
Энэ тэмцээнийг зохион байгуулах үеэр аялал жуулчлалын хөгжил Оросын эдийн засагт 3 тэрбум ам.долларын орлого оруулжээ.
ДАШТ-2018-д 1 сая гаруй онцгой зочид хүрэлцэн ирснээс 605 мянга нь Оросын үзэгчид байсан бол гадны үзэгч 487 мянга байжээ.
Тус тэмцээний үзэхээр цэнгэлдэх хүрээлэнд хүрэлцэн ирсэн гадны зочдоос санал асуулга авах үеэр үзэгчдийн 84 хувь нь ДАШТ-2018-д ирснээс хойш Оросын талаархи үзэл бодол нь сайн талаараа өөрчлөгдсөнийг цохон тэмдэглэхийн сацуу дахин ирэхээр төлөвлөж байгаагаа мэдэгджээ. Түүнчлэн тэдний 90 хувь нь аялал жуулчлалын хувиар Орост хүрэлцэн ирэхийг найз нөхөд, хамаатан садандаа зөвлөнө гэжээ.
ДАШТ-2018-ыг зохион байгуулснаас хойшхи Оросын ДНБ-д үзүүлэх урт хугацааны нөлөөлөл нь жил тутам 150-210 тэрбум рублийн түвшинд байна. Урт хугацаанд нөлөө үзүүлэх гол эх үүсвэрүүд нь аялал жуулчлалыг хөгжүүлэх, хөрөнгө оруулалтын хурдасгуурын нөлөөг хамаарна.
Урт хугацааны эдийн засгийн хөгжил нь голдуу барилга болон аялал жуулчлалын салбарт жил тутам 160-240 мянган хүнийг ажлын байраар хангана.
Тэмцээн зохион байгуулагдсан бүс нутгуудаар аялах гадаадын жуулчдын урсгал тэмцээний дараах 5 жилийн хугацаанд жилд дунджаар 14 хувиар өсдөгийг өмнөх ДАШТ-ийн туршлагаас харж болох аж.
ДАШТ-2018-ын тус тэмцээнийг зохион байгуулагч бүс нутгуудын эдийн засагт оруулсан хувь нэмэр нь Бүс нутгийн ДНБ-ний хэмжээ 2-20 хувиар нэмэгдсэн явдал юм.
ДАШТ-ний хүрээнд нийт 12 цэнгэлдэх хүрээлэн, 95 сургуулилтын талбай зэрэг спортын олон байгууламжийг сэргээн засварлаж, барьж байгуулжээ. ДАШТ-2018-ын дараах спортын дэд бүтцийг мэргэжлийн спортыг хөгжүүлэхэд ашиглана.
Хүмүүсийн биеийн тамир, спортоор хичээллэх, эрүүл амьдралын хэв маягийг хэвшил болгох сонирхол нэмэгдэж байгаа нь ажиглагджээ. Тэмцээнийг зохион байгуулагч бүс нутгуудад 2010-2017 оны хугацаанд спортоор хичээллэж буй хүмүүс 20-39 хувиар нэмэгдсэн байна.
Хөл бөмбөг сонирхогч хүмүүсийн тоо 2010 онд 48 хувь байснаас 2018 онд 71 хувь болтлоо өссөн байна.
ДАШТ-2018 болон Холбоодын цомын тэмцээний бэлтгэл ажилд 35 мянга гаруй сайн дурын ажилтан дайчлагдсан нь дэлхийн аваргын түүхэн дэх хамгийн том цар хүрээг хамарсан сайн дурын хөтөлбөр болж байгаа аж .

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ