Г.ӨНӨРЖАРГАЛ: ОЛОН УЛСАД ЧАНАРЫН ДЭД БҮТЦИЙН ТАВАН ТУЛГУУР ГЭЖ ТУНХАГЛАДАГ ЮМ

2018-10-11-10.44ta.png Г.ӨНӨРЖАРГАЛ: ОЛОН УЛСАД ЧАНАРЫН ДЭД БҮТЦИЙН ТАВАН ТУЛГУУР ГЭЖ ТУНХАГЛАДАГ ЮМ

Стандарт хэмжил зүйн газрын Стандарт тохирлын үнэлгээний бодлогын газрын дарга Г.Өнөржаргалаас “Чанарын дэд бүтцийн хөгжлийн чиг хандлага" олон улсын симпозиумд онцолж хэлэлцэж буй асуудлуудыг тодрууллаа.

Тэрээр “Стандарт, хэмжил зүйн байгууллага олон улсын түвшинд гадаадын орнуудын түнш байгууллагуудтай хамтарч өнөөдрийг хүртэл юу хийсэн бэ, одоо юу хийж байна вэ, цаашид ямар чиг хандлагаар чанарын дэд бүтцийг сорилт, хэмжил зүй, стандарт зэргээр хэрхэн хөгжүүлэх вэ, өөрийн орны туршлага, олон улсаас тавьсан тогтвортой хөгжлийн бодлого, үндэсний хэмжээний эрх зүйн бодлого зэрэг олон асуудлыг хэлэлцэж байна.

Чанарын дэд бүтцэд бүх салбар хамрагддаг. Чанартай бараа бүтээгдэхүүнийг зах зээлд нийлүүлэхийг чанартай дэд бүтэц гэж нэрлэж байгаа. Чанартай бараа мөн эсэхийг стандарт гэх бичиг баримт тогтоодог.

Хөндлөгийн батлагаажуулалтын байгууллага стандартын дагуу бараа үйлдвэрлэж чадаж байна уу, хэрэглэгчдэд чанартай бараа, бүтээгдэхүүн хүрч байна уу гэдгийг баталгаажуулдаг юм. Жишээ нь, хувцас хэрэгсэлд орж буй химийн болон будаг бодисын найрлага, ноосны найрлага зэргийг тогтоож, хэмжилт хийдэг.

Энэхүү хэмжилт, стандарт, баталгаажуулалт, итгэмжлэл, зах зээлд гаргаж байгаа үйл ажиллагааг олон улсад чанарын дэд бүтцийн таван тулгуур гэж тунхагладаг юм.” гэж тайлбарлав.

Монгол улсын Стандарт, хэмжил зүйн байгууллагаас тогтоосон 6200 стандартын 38,5 хувь нь олон улсын түвшинд хүрч, шаардлага хангасан гэж статистик мэдээнд тэмдэглэжээ. Олон улсын шаардлагыг үндэсний ноос ноолууран бүтээгдэхүүн хангасан юм байна.

Б.БАЯРМАА

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ