ШУУРХАЙ АЛБАНЫ АЖИЛЛАХ ЖУРМЫН ТӨСЛИЙГ САНХҮҮГИЙН ЗОХИЦУУЛАХ ХОРООНД ХЭЛЭЛЦЛЭЭ

11-9TA.png ШУУРХАЙ АЛБАНЫ АЖИЛЛАХ ЖУРМЫН ТӨСЛИЙГ САНХҮҮГИЙН ЗОХИЦУУЛАХ ХОРООНД ХЭЛЭЛЦЛЭЭ

Санхүүгийн зохицуулах хороо нь 10 дугаар сарын 10-ны өдөр Шуурхай албаны ажиллах журмыг хэлэлцэв.

Албан журмын даатгагчдын холбоо нь Даатгалын тухай хуулийн 121.3-т зааснаар даатгагч, даатгуулагч, хохирогч, иргэнээс даатгалын тохиолдлын талаарх мэдээллийг хүлээн авч, даатгалын тохиолдлыг шуурхай, үнэн зөв тодорхойлох боломжийг даатгагч, даатгуулагч, хохирогчид бүрдүүлэх чиг үүрэг бүхий шуурхай алба”-тай байхаар заасан байдаг. Үүний дагуу Санхүүгийн зохицуулах хороо 2015 онд “Албан журмын даатгагчдын холбооны Шуурхай албаны ажиллах журам”-ыг батлан мөрдүүлж байна.

Захиргааны Ерөнхий хууль шинээр батлагдсан болон даатгалын зах зээлийн төлөв байдал шинэчлэгдэн өөрчлөгдсөнтэй холбоотойгоор дээрх журмыг боловсронгуй болгож батлах ажлыг СЗХ холбогдох хууль, журмын дагуу үе шаттай явуулж байна. Энэ оны тавдугаар сард тус журмын төслийг тус Хорооны цахим хуудсанд байршуулж, олон нийтээс санал авах ажлыг сар гаруйн хугацаанд зохион байгуулжээ.  Энэ чиглэлээр одоо зах зээлд оролцогчид, хамаарал бүхий этгээдүүдээс дахин санал авч эцэслэн боловсруулахаар ажиллаж байна.

10 дугаар сарын 10-ны өдөр СЗХ дээрх журмын төслийг жолоочийн албан журмын даатгалын үйл ажиллагаа эрхэлж буй даатгагч нар болон Монголын даатгалын холбоо, Албан журмын даатгагчдын холбооны төлөөллүүдийг оролцуулж, хэлэлцүүллээ. Өнөөдрийн байдлаар Албан журмын даатгагдын холбооны Шуурхай албаны зэрэгцээ даатгалын компаниудын жолоочийн хариуцлагын албан журмын даатгалын Шуурхай албад  ажиллаж байгаа аж. Эдгээрийн үйл ажиллагаанд дагаж мөрдөх нийтлэг, нэгдсэн зохицуулалт бий болгох нь зүйтэй гэсэн зарчмын байр суурь болон холбогдох бусад саналыг хэлэлцүүлэгт оролцогчид гаргаж, журмын төсөлд тусгуулахаар тохиролцсон юм.

Б.БАЯРМАА

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ