ЕРӨНХИЙ КОНСУЛ Э.ГАЛБАДРАЛ ОАКЛАНД ХОТЫН ЗАХИРАГЧ, АНУ-ЫН КОНГРЕССЫН ТӨЛӨӨЛӨГЧДИЙН ТАНХИМЫН ГИШҮҮН НАРТАЙ УУЛЗЛАА

10-5ta1.PNG ЕРӨНХИЙ КОНСУЛ Э.ГАЛБАДРАЛ ОАКЛАНД ХОТЫН ЗАХИРАГЧ, АНУ-ЫН КОНГРЕССЫН ТӨЛӨӨЛӨГЧДИЙН ТАНХИМЫН ГИШҮҮН НАРТАЙ УУЛЗЛАА

АНУ-ын Калифорни мужийн Оакланд хотын захирагчийн алба 1967 оноос хойш жил бүрийн 10 дугаар сарын 7-ны өдөр НҮБ-ын далбааг мандуулах ёслолыг уламжлал болгон тэмдэглэдэг байна. Энэхүү далбааг мандуулах ёслолд Монгол улсын Ерөнхий консул Э.Галбадрал оролцов.

Энэхүү арга хэмжээний үеэр АНУ-ын Калифорни мужийн Оакланд хотын захирагч Либби Шаабтай уулзаж, Оакланд хот орчим амьдарч буй Монгол иргэдийг дэмжин ажиллах, Улаанбаатар хот, Оакланд хотын хамтын ажиллагааг идэвхжүүлэх зэрэг асуудлаар санал бодлоо солилцлоо гэж АНУ-ын Сан Франциско хотод суугаа Ерөнхий консул Э.Галбадрал мэдээллэж байна. 

Мөн арга хэмжээний үеэр Калифорни мужаас сонгогдсон АНУ-ын Конгрессын Төлөөлөгчдийн танхимын гишүүн Барбара Лийтэй уулзаж, Конгрессын 10 гишүүн Монгол улсад үйлдвэрлэсэн ноолуур болон оёмол, сүлжмэл бүтээгдэхүүнийг АНУ-ын зах зээлд тарифгүй нэвтрүүлэх тухай “Mongolia Third Neighbor Trade Act” хуулийн төслийг өргөн барьсан тухай дурдаад, дэмжин ажиллахыг хүсчээ. Үүний зэрэгцээ Монголын хөдөө аж ахуйн салбарын бүтээгдэхүүний экспортыг дэмжих, цаашид хоёр улсын харилцаа хамтын ажиллагааг хөгжүүлэх, эрчимжүүлэх талаар санал бодлоо солилцжээ.

Б.БАЯРМАА

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ