БАЙНГЫН ХОРОО ХҮҮХДИЙН МӨНГӨН ТЭТГЭМЖИЙН ТАЛААР ХЭЛЭЛЦЭНЭ

9-4.jpg БАЙНГЫН ХОРОО ХҮҮХДИЙН МӨНГӨН ТЭТГЭМЖИЙН ТАЛААР ХЭЛЭЛЦЭНЭ

УИХ-ын хоёр байнгын хороо 10 дугаар сарын 9-ны өдөр хуралдана. Байнгын хорооны энэ долоо хоногт чуулганы нэгдсэн хуралдаанаар хэлэлцэх хууль, тогтоолын төслүүдэд оруулах санал, дүгнэлтээ нэгтгэх юм байна.

Тухайлбал, 09.00 цагт Эдийн засгийн байнгын хороо “Жанжин Д.Сүхбаатар” танхимд хуралдаж, хоёр асуудал хэлэлцэхээр товложээ. Тус байнгын хорооны хуралдаанаар Валютын зохицуулалтын тухай, Хэмжил зүйн тухай хуулийн төслийг хэлэлцэнэ. Дээрх хоёр хуулийн төслийг хэлэлцүүлэгт бэлтгэх ажлын хэсгийг байгуулж ажиллана.

Харин Төсвийн байнгын хороо 11.00 цагт “Их Эзэн Чингис хаан” танхимд хуралдаж, дөрвөн хуулийн төсөл хэлэлцэх юм. Хэлэлцэх асуудлын жагсаалтад ирэх оны төсвийн төсөл болон төсвийн хүрээний мэдэгдэл, “Хүүхдийн мөнгөн тэтгэмжийн талаар авах зарим арга хэмжээний тухай” болон “Төрийн аудитын талаар төрөөс баримтлах бодлого батлах тухай” тогтоолын төсөл багтсан байна.

Б.БАЯРМАА

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ