Д.Эрдэнэбат: Төсвийн урсгал зардлыг 10 хувиар бууруулах ёстой

5bbaf9e24e3d1.jpeg Д.Эрдэнэбат: Төсвийн урсгал зардлыг 10 хувиар бууруулах ёстой

УИХ дахь Ардчилсан намын бүлэг өнөөдөр хуралдаж, ирэх оны төсвийн төслийг хэлэлцжээ. Бүлгийн хуралдаанд Сангийн сайд Ч.Хүрэлбаатар ирэх оны төсвийн талаар мэдээлэл өгсөн байна.

Бүлгийн хуралдааны талаар АН-ын бүлгийн дарга Д.Эрдэнэбат, “Ирэх оны төсвийн төсөлд хэд хэдэн хуулийн зөрчил гарсан байна. Тухайлбал, төсвийн ерөнхийлөн захирагчаар дамжиж хэрэгжих ёстой ажлуудыг яам, сайдад төвлөрүүлсэн байна. Нөгөөтэйгүүр ирэх оны төсвийн зарлага 11 их наяд төгрөг байхаар тооцсон нь улс орны эдийн засгийг улам хүндрүүлэх магадлалтай тул урсгал зардлыг 10 хувиар бууруулах ёстой. Валютын ханшийн өсөлтийг хэрхэн хязгаарлах талаар Сангийн сайдаас асуусан ч “Монголбанк мэднэ” гэснээр өөр хариулт өгсөнгүй. Сүүлийн ганцхан сарын дотор өргөн хэрэглээний барааэ, шатахууны үнэ огцом өслөө. Тухайлбал, ам.доллар 22 төгрөг, дизель түлш 120 төгрөг, А-95 бензин 55 төгрөгөөр тус тус нэмэгдсэн. Энэ нь ард түмний нуруун дээр ачаа болж байна. Тийм учраас Засгийн газар, Монголбанк харилцан уялдаатай байж, асуудлыг шийдэх ёстой гэж харж байгаа” гэлээ.

Мөн С.Эрдэнэ гишүүн, “Дэлхийн зах зээл дээр түүхий эдийн үнэ өссөн хэвээр байгаа. Мөн Монгол Улсад хүмүүнлэгийн байгууллагуудаас ирж буй тусламжийн хэмжээ ч буураагүй. Харамсалтай нь Засгийн газар ирэх оны төсөвд нийгэм, эдийн засгийн зөв хуваарилалт хийж чадаагүй байна. Сүүлийн гурван жилд л гэхэд Монгол Улсын төсвийн алдагдал нийтдээ 7 их наяд хүрлээ. Тиймээс бид Сангийн сайдаас хариуцлага нэхнэ” гэв.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ