НАМРЫН НЭЭЛТИЙН БАРИЛДААНД УЛСЫН АРСЛАН П.БҮРЭНТӨГС ТҮРҮҮЛЛЭЭ

5bbae659b7df1.jpeg НАМРЫН НЭЭЛТИЙН БАРИЛДААНД УЛСЫН АРСЛАН П.БҮРЭНТӨГС ТҮРҮҮЛЛЭЭ

"Алдар" спорт хорооны зааланд болсон Монголын үндэсний бөхийн холбоо /МҮБХ/-ны намрын нээлтийн барилдаанд улс, аймгийн алдар цолтой 192 бөх зодоглосноос улсын арслан П.Бүрэнтөгс түрүүлж, улсын харцага Б.Бат-Өлзий үзүүрлэв.

 

Сүүлийн хэдэн сар үргэлжилсэн МҮБХ-ны талцлаас болж энэхүү барилдааныг “Бөхийн өргөө”-нд зохион байгуулах боломжгүй болсон юм. Энэ жилийн намрын барилдааныг Монгол Улсын гарьд И.Доржсамбуу, улсын заан Ц.Магалжав нар зохион байгуулсан байна.

 

Дашрамд сонирхуулахад, өнгөрсөн жилийн намрын нээлтийн барилдаанд улсын арслан Р.Пүрэвдагва, улсын заан Н.Жаргалбаяр, улсын харцага Ш.Уламбаяр, Д.Бат-Эрдэнэ, М.Бадарч, О.Хангай тэргүүтэй 240 бөх зодоглон уран мэхээ уралдуулан хүчээ сорьсноос залуу харцага О.Хангай найм даван түрүүлсэн юм.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ