МАРАФОН ГҮЙЛТИЙН ТЭМЦЭЭНД ОРОЛЦОГЧИД НАС БАРЖЭЭ

5bbacc9528ddd.jpeg МАРАФОН ГҮЙЛТИЙН ТЭМЦЭЭНД ОРОЛЦОГЧИД НАС БАРЖЭЭ

Өнгөрсөн ням гарагт Уэльсийн нийслэл Кардифф хотноо 15 дахь жилдээ зохион байгуулж буй “Cardiff Half” марафон гүйлтийн тэмцээний үеэр хоёр хүн нас барсан тухай орон нутгийн цагдаагийн газрын төлөөлөгч мэдээлэв.

 

Тэмцээнийг зохион байгуулагчдын мэдээлснээр, 20 болон 30 гаруй насны хоёр эрэгтэй барианы шугамд ирсэний дараа зүрх нь зогссон бөгөөд тэднийг ойролцоох эмнэлэгт яаралтай хүргэсэн хэдий ч харамсалтайгаар нас барсан аж.

 

Энэ удаагийн тэмцээнд 20 мянга орчим хүн оролцсон ба 15 жилийн түүхэнд анх удаа хүний амь эрсэдсэн тохиолдол энэ болсон байна.

 

Австралийн гүйлтийн тамирчин Жак Рэйнер уралдааны замыг 1:01:01 цагийн хугацаанд туулж, ялагч болсон бол Уганда улсын тамирчин Жулиет Чеквел барианы шугамд 01:09:45 хугацааг туулан ирж, эмэгтэйчүүдийн гүйлтийн тэмцээнд түрүүлжээ. Энэхүү тэмцээн нь цар хүрээгээрээ Их Британи улсдаа хоёрт бичигддэг аж.

 

Э.Хулан

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ