Б.ЭРДЭНЭБАТ: ОРОСУУД ШИГ ХӨРШ ОРНЫ АРД ТҮМЭНДЭЭ ИНГЭЖ ТУСАЛСАН УЛС ОРОН ДЭЛХИЙД БАЙХГҮЙ

erdta1.png Б.ЭРДЭНЭБАТ: ОРОСУУД ШИГ ХӨРШ ОРНЫ АРД ТҮМЭНДЭЭ ИНГЭЖ ТУСАЛСАН УЛС ОРОН ДЭЛХИЙД БАЙХГҮЙ

“Орос-Монголын найрамдал, хамтын ажиллагааны өдрүүд-2018”-ийн нээлтийн ёслол  Оросын шинжлэх ухаан соёлын төвд болж, хөтөлбөрийн дагуу арга хэмжээнүүд эхэллээ.

Жил бүр уламжлан явагддаг “Орос-Монголын найрамдал, хамтын ажиллагааны өдрүүд-2018”-ийн ач холбогдлын талаар ННМЭ-ийн дэд тэргүүн Б.Эрдэнэбатаас тодрууллаа.

Тэрээр цэргийн нисэхийн инженер мэргжилтэй. Одоо ШУТИС-ийн профессор, багш.. ОХУ-д Нисэхийн дунд сургууль, Нисэхийн академид таван жил, дэд доктор хамгаалахаар гурван жил нийтдээ 11 жил суралцжээ.

-Орос-Монголын хамтын ажиллагаа, найрамдлын сарын ажлын үр өгөөжийг та хэрхэн үздэг вэ?

-Бидний хамтын ажиллагаа зөвхөн найрамдлын сарын ажлаар хэмжигдэх харилцаа биш, түүхэн ач холбогдолтой харилцаа юм гэж ОХУ-ын дипломат тал цохон тэмдэглэсэн. Би санал нэг байна. Жил бүр хоёр орны хамтын ажиллагаа, харилцааны хүрээнд их өргөн хүрээтэй ажлууд явагддаг. Жишээ хэлбэл, өнгөрсөн цагийг эргэж харахад ОХУ нь 1921 оноос эхлэн шилжих рублийн зээлээр Монгол улсыг хөгжүүлсэн. Оросууд шиг хөрш орны ард түмэндээ ингэж тусалсан улс орон дэлхийд байхгүй. Манай орны хажууд ийм сайхан хөрш оршиж байна. Орос, Монголын ард түмний хамтын ажиллагаа, найрамдлын харилцаа тасрахгүй, өргөжиж байгаад бид баяртай байдаг.

-ОХУ гадаадын бусад харилцаатай орнуудад найрамдал, хамтын ажиллагааны сарын ажлыг зохион байгуулдаг уу?

-ОХУ-д хоёр том байгууллага найрамдал, хамтын ажиллагааны сарын ажлыг зохион байгуулдаг. Миний мэдэж байгаагаар гадаадын бусад орнуудад найрамдал, хамтын ажиллагааны сарын ажлыг ОХУ-аас бараг зохин байгуулдаггүй.

Оросыг эсэргүүцсэн уур амьсгал Европын орнуудад байдаг. Гэхдээ түүхэн үйл явдлыг эргэж харахад Оросын ард түмэн дэлхийн хаана халуун цаг байна, хаана асуудалтай үүссэн байна, тэр газарт очиж хүн төрөлхтний сайн сайхны төлөө тусламж үзүүлдэг юм. Орос орон их том улс. Одоо эдийн засаг нь хөгжөөд эхэллээ. Цаашдаа оросууд энэ энерциэр хөгжөөд явбал хөрш Монголын ард түмэнд ч сайхнаар нөлөөлнө гэж би бодож байна.

www.ardchilal.mn Б.БАЯРМАА

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ