Волейболын нээлттэй тэмцээнд 350 гаруй тамирчин оролцов

5bb1a55478afd.jpeg Волейболын нээлттэй тэмцээнд 350 гаруй тамирчин оролцов

Говь-Алтай аймгийн Алтай хотноо есдүгээр сарын 28-30-нд болсон Биеийн тамирын болон, Боловсролын тэргүүний ажилтан, волейболын спортын Олон Улсын Хэмжээний мастер Ж.Уранчимэгийн нэрэмжит волейболын нээлттэй тэмцээнд 350 гаруй тамирчин өрсөлдлөө.

Тэмцээнд Говь-Алтай, Баян-Өлгий, Ховд, Завхан аймгийн сум, клуб, албан байгууллагуудын нийт 35 баг тамирчид оролцжээ. Эрэгтэй шилдэг багийн тэргүүн байрт Б.Лхамдорж ахлагчтай Их засаг их сургуулийн “Дуурсах-Алтай” ХХК-ний баг, удаах байрт Б.Габит ахлагчтай Баян-Өлгий аймгийн “Гастай Клуб”-ын баг, гутггаар байрт Ц.Баянбэрх ахлагчтай “Төрийн банк”-ний баг шалгарсан бол эмэгтэй багийн тэргүүн байрыг Д.Сосорбурам ахлагчтай “Мандал-Алтай” ХХК-нийн баг, хоёрдугаар байрт Х.Баянтуул ахлагчтай “Ник Питровис” ХХК-нийн баг, гуравдугаар байрт Н.Урангоо ахлагчтай “Өсвөрийн шигшээ” баг тамирчид тус тус шалгарав.

Олон улсын хэмжээний мастер Ж.Уранчимэг 1990-ээд онд Говь-Алтай аймгийн Анагаахын сургуульд суралцаж байхдаа тус аймгийн шигшээ багийн гишүүн болж, 1993 оноос аймгийн Биеийн тамир, спортын газрын дарга Т.Дэмидийн саналаар волейболын дасгалжуулагчаар ажиллаж эхэлсэн бөгөөд эдүгээг хүртэл тус аймагт волейболын спортыг хөгжүүлэхэд хувь нэмрээ оруулж байна.

 

Э.Нарангэрэл

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ