Ариун хотуудыг холбох өндөр хурдны төмөр замын нээлтийн ёслол болжээ

5bab00f14ebf1.jpeg Ариун хотуудыг холбох өндөр хурдны төмөр замын нээлтийн ёслол болжээ

Саудын Араб улсын Лалын шашинтнуудын хамгийн ариун хотууд болох Мекка болон Мединаг холбосон өндөр хурдны төмөр замын нээлтийн ёслол мягмар гарагт болжээ.

 

Энэхүү бүтээн байгуулалтыг хийснээр замын хөдөлгөөний түгжрэл буурч, аялал жуулчлалын хөгжилд ихээхэн үр нөлөө үзүүлэхийн зэрэгцээ газрын тосны үнийн ялгааг багасгана хэмээн найдаж байгаа аж.

 

300 км/цаг хүртэл хурдлах хүчин чадалтай цахилгаан гал тэргүүд нь жилд 60 сая орчим зорчигчийг тээвэрлэнэ хэмээн тооцоолж байгаа юм байна. “Жедда хотод болсон нээлтийн ажиллагаанд хаан Салман бен Абдулазиз оролцсон” гэж Саудын Арабын мэдээллийн “SPA” агентлаг мэдээлжээ.

 

“Төмөр замын шугам нь Мекка, Жедда, Абдулла хааны эдийн засгийн хот, “Абдуллазиз хаан” олон улсын нисэх онгоцны буудал болон Медина гэсэн таван буудалтай” гэж тус улсын зам тээврийн сайд Набиль бин Мохаммед аль-Амуди хэлсэн байна.

 

Э.Хулан

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ