Чөлөөт бөхийн “Шахтерская Слава” ОУТ-ээс З.Занабазар хүрэл медаль хүртэв

5ba869c426282.jpeg Чөлөөт бөхийн “Шахтерская Слава” ОУТ-ээс З.Занабазар хүрэл медаль хүртэв

Чөлөөт бөхийн “Шахтерская Слава” эрэгтэйчүүдийн олон улсын уламжлалт тэмцээн есдүгээр сарын 22-23-нд ОХУ-ын Кемерово хотын “Кузбасс” спортын ордонд болж “Арслан” клубын тамирчин ОУХМ З.Занабазар хүрэл медаль хүртлээ.

 

Энэхүү YI тэмцээнд 26 орны 189 тамирчин эрэгтэйчүүдийн 10 жинд өрсөлдөв. Манай улсаас ҮБТДС-ий багш, дасгалжуулагч Ц.Баярсайханы удирдлага дор таван тамирчин хүч үзсэнээс 57 кг-д насанд хүрэгчдийн Азийн АШТ-ий мөнгө, өсвөр үеийн ДАШТ-ий хүрэл медальт, Азийн аварга З.Занабазар ганцаараа медаль хүртсэн байна.

 

“Шахтерская Слава”-д өмнө нь гавьяат тамирчин П.Өнөрбат 2014 онд мөнгө, хүрэл медалийг 2014 онд ОУХМ Н.Золбоо, 2015 онд ОУХМ Д.Цогтбаатар, Д.Гомбодорж, 2016 онд гавьяат тамирчин Э.Ням-Очир, 2017 онд ОУХМ О.Үйтүмэн нар тус тус хүртэж байв.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ