Доктор Н.Энхболд малын бэлчээрийн даац хэтэрснийг анхаарууллаа

21-23.jpg Доктор Н.Энхболд малын бэлчээрийн даац хэтэрснийг анхаарууллаа

2018 оны "Эрдэмтдийн үг-21" цуврал лекцүүдийн намрын сарын эхний лекц 9 дүгээр сарын 21-ны өдөр Танан төвийн хурлын танхимд эхэллээ.

Энэ удаагийн зочин илтгэгч ХААШУА-ийн гишүүн, биологийн шинжлэх ухааны доктор, профессор Н.Энхболд "ХАА-н тогтвортой хөгжилд ургамал хамгааллын гүйцэтгэх үүрэг" сэдвээр  хийлээ.

Энэ удаагийн лекц нь Ургамал хамгааллын салбар үүсч хөгжсөний 60 жил, Ургамал хамгааллын хүрээлэнгийн 30 жилийн ойд зориулан зохион байгуулав. Шинжлэх Ухааны Академиас санаачлан Боловсрол, Соёл, Шинжлэх ухаан, Спортын Яамны дэмжлэгтэйгээр "Эрдэмтдийн үг" цуврал лекцийг сард хоёр удаа зохион байгуулдаг уламжлал тогтжээ.

Доктор Н.Энхболд лекцийнхээ үеэр судалгаанд үндэслэсэн сэдвээ олон талаас нь тайлбарлан ярьсан юм. Монголын хөдөө аж ахуйн салбарт тулгамдаад байгаа нэг асуудал бол газар нутагуудад малын бэлчээрийн даац хэтэрснийг тэрээр онцолж байлаа. Сүүлийн жилд малчид тариалангийн талбай рүү нүүдэллэн малаа бэлчээх болсныг анхаарах цаг болсныг тодотгон хэлсэн юм.

Хөдөө аж ахуйн салбараас гаралтай ноос ноолууран түүхий эдийн чанарыг сайжруулахад хөдөө аж ахуйн шинжлэх ухаан талаас хэд хэдэн хүчин зүйлүүд нөлөөлдөг юм байна. Түүхий эдийг бэлтгэж байгаа хөдөө аж ахуйн салбарын малынх нь оршин байгаа газар нутгийн болон цаг уурын онцлог, газар нутгийн байршил, ямар бүтэцтэй өвс ургамлыг мал идэж байгаа зэрэг хүчин зүйлээс шалтгаалж, малын ашиг шим болох мах, ноос, сүү болон бусад түүхий эдийн чанар хамааралтай аж.

Б.Баярмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ