Хорт хавдараас урьдчилан сэргийлдэг хүнсний ногоо

1-36.jpg Хорт хавдараас урьдчилан сэргийлдэг хүнсний ногоо

Өнөө үед таргалалт, хавдрын өвчлөл ихэсч байгаа ч нөгөө талаараа шинжлэх ухаан хөгжихийн хирээр төрөл бүрийн хавдрыг бүрэн эмчлэх арга, техникүүд гарч ирсээр байгаа билээ.

Хавдрын өвчлөлийг эдгээж эмчлэх арга техник сайжрахтай зэрэгцээд хавдрын оношилгоо мөн чухал байр суурь эзэлж байна. Бид эмнэлэгийн хяналтаа тогтмол хийж сурах, хавдрыг аль болох эрт үед нь илрүүлэх шаардлага гарч ирж байгаа юм. Харин бид хавдрын өвчлөлөөр өвдөхгүй байх үндэс суурь нь зөв хооллох гэдгийг тэр бүр хайхарч өдөр тутмын амьдралдаа хэрэгжүүлдэггүй. Ирээдүйд хавдраар өвчлөхгүй байхад туслах хоол хүнсийг бид оруулж байна.

Цэцэгт байцаа

Cauliflower on a table and in a wicker basket, dill, parsley on wooden board

Цэцэгт байцаа нь хавдраас урьдчилан сэргийлэхэд тустай сульфорафин нэгдэл агуулдаг. Сульфорафин нь байцааг бяцлах, хаглах үед чөлөөлөгддөг тул байцааг идэхээсээ өмнө сайтар зажлах нь илүү үр дүнтэй. Энэ нэгдэл нь мөн хавдрын тодорхой эсүүдийг устгадаг ч таны эрүүл мэндэд ямар нэг сөрөг нөлөө үзүүлэхгүй.

Цэцэгт байцаатай хоол хийх маш олон жорыг интернэтээс төвөггүй олох боломжтой.

Лууван

Лууван идэх нь нүдний хараанд сайн нөлөөтэй гэдгийг хүн бүр мэддэг байх, тэгвэл сүүлийн үеийн судалгаагаар лууван идэх нь мөн зарим нэг хавдрын эсрэг сайн хүнс болдог байна. Жишээ нь, түрүү булчирхайн хавдраас урьдчилан сэргийлэх чадалтай.

Хулгана дээр хийсэн туршилтаар луувангаар хооллосон хулганы түрүү булчирхайн хавдрын өсөлт нь зогссон үр дүн үзүүлсэн байна. Лууван нь эрүүл мэндийн олон талын ашиг тустай.

Авокадо

Авокадо жимсэнд хүн бүр дуртай байдаггүй ч таны гал тогоонд заавал байх жимс юм. Шим тэжээл ихтэй энэ жимс антиоксидант чанартай бөгөөд хэдэн төрлийн хавдрын эрсдлийг бууруулдаг байна. Жимс нь мөн эрүүл мэндэд тустай ханаагүй өөх тосоор баялаг. Жин хасахад шилдэг хүнс юм.

Маш олон төрлийн хоол хүнс, десертэнд ордог. Гуакамол хоол хийж, бусад жимстэй хольж жүүс, смүүти хийж ууж ч болох юм.

Брокколи

Брокколи нь олон төрлийн хавдрын эсрэг үйлчилгээтэй. Бүдүүн гэдэс болон давсагны хавдраас урьдчилан сэргийлэхэд нийтлэг хэрэглэдэг. Сайтар угааж болгохгүй ч идэж болно, хөлдөөж, чанаж, жигнэх үед ч түүний тэжээллэг чанар алдагддагүй. Брокколи нь мөн эслэг өндөртэй учир хоол боловсруулалт сайжруулдаг.

Улаан лооль

Tomatos with a light shadow isolated on white

Эрүүл мэндэд ашигтай мөн идэхэд амттай, хүн бүрийн дуртай ногоо гэдэгт итгэлтэй байна. Болгож идсэн улаан лооль нь лицопин ялгаруулж фитохимийн үйлчилгээ явуулж хавдрын эсрэг ач холбогдолтой. Улаан лооль нь антиоксидант үйлчилгээтэй, түрүү булчирхайн хавдраас урьдчилан сэргийлэх хамгийн шилдэг хүнс юм.

Түүхийгээр нь ч идэж болох улаан лоольтой хоол хийх, холигчоор шүүс шахаж уух зэргээр маш олон янзаар боловсруулж идэж болно.

Хушга

Walnuts in wooden spoon on old,rustic desk

Хөхний хавдар болон түрүү булчирхайн хавдраас урьдчилан сэргийлэх гайхалтай чадалтай. Мөн их хэмжээний омега 3 агуулдаг ба зүрхний титэм судасны өвчлөлийн эрсдэлийг бууруулж, холестерины хэмжээг ч мөн бууруулна. Өглөөний цайндаа болон амны зугаа маягаар идэхэд тохиромжтой.

Сармис

Сармисны ашиг тусыг тоочоод баршгүй, мэдээж нэг ашиг тус нь хавдраас урьдчилан сэргийлэх чадалтай. Сармис нь хавдрын эсийг тархаж, олширохоос хамгаалах чадалтай. Вирусийн болон бактери устгах чадалтай, антибиотиктой тэнцэх үйлчилгээ үзүүлдэг нь батлагдсан. Ялангуяа мөөгөнцрийн төрөл бүрийн өвчлөлд сайн эм болдог.

Цагаан гаа

Судалгаагаар цагаан гаа нь зарим нэг хавдрын эмнээс илүү үйлчилгээтэй нь батлагдсан. Ялангуяа түрүү булчирхайн хавдрын үед цагаан гаа идэх нь илүү сайн үр дүн үзүүлсэн байна.

Үүнээс гадна цагаан гаа нь үрэвслийн эсрэг сайн үйлчилгээтэй. Мөн машинаар явахдаа дотор муухай оргидог хүмүүс хатаасан цагаан гаа идэх, усанд буцалгаж авч явж уувал сайн үр нөлөөтэй.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ