Ц.Элбэгдорж: Аливаа салбарт манлайлалыг хэрэгжүүлнэ гэдэг хэцүү

20-7.jpg Ц.Элбэгдорж: Аливаа салбарт манлайлалыг хэрэгжүүлнэ гэдэг хэцүү

Монголын сэтгүүл зүйн салбарын “БАЛДОРЖ” шагнал гардуулах ёслолын үеэр дэд байрын шагналыг Монгол Улсын дөрөв дэх Ерөнхийлөгч асан Ц.Элбэгдорж, “Балдорж” сангийн тэргүүн, “Өнөөдөр” сонины нэгдүгээр орлогч эрхлэгч Б.Номинтүшиг нар гардуулсан юм.

Eagle news агентлагийн сэтгүүлч Г.Батзаяа, Ж.Золзаяа, Б.Лхагвасүрэн, МҮОНРТВ-ийн эрэн сурвалжлах нэвтрүүлгийн баг хүний эрхийн сэдвээр хийсэн цуврал нэвтрүүлэгээрээ дэд байрын шагналыг хүртлээ.

Энэхүү шагналыг гардуулахын өмнө ерөнхийлөгч асан Ц.Элбэгдорж  үг хэлэв.

Та бүхэнд энэ өдрийн түмэн амгаланг айлтгаж, "Балдорж" сангийн шилдэгийг тодруулах үйл ажиллагааны халуун баярыг хүргэе.

Намайг Цахиагийн Элбэгдорж гэдэг. Би цэргийн сэтгүүлч мэргэжилтэй. Монголын сэтгүүл зүйн шилдгүүдийг тодруулахад манлайлах үүрэгтэй сүүлийн арван гаран жил явагдаж байгаа “Балдорж” сангийн үйл ажиллагаагаар үргэлж бахархаж явдаг.

Аливаа салбарт манлайлалыг хэрэгжүүлнэ гэдэг хэцүү. “Балдорж” шагнал манай сэтгүүлзүйн салбарт хүлээн зөвшөөрөгдсөн , сэтгүүл зүйн манлайлалыг авч яваа шагнал юм. Та бүхэнд чин сэтгэлийн халуун баяр хүргэж, хамгийн сайн сайхныг хүсэн ерөөе.

"Балдорж" сангийн шилдэгийн шалгаруулалт яг энэ үдэш улам өргөн дэлгэр, сайхан байх болтугай. Энэ сангийн үйл ажиллагаа улам аривжиж, олон зуун жил үргэлж өөдөө дэвжин, дэлгэрч байх болтугай гэж ерөөе. Баярлалаа та бүхэнд.

Б.Баярмаа

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ