Налайх дүүргийн “Голомт” цогцолбор сургуулийн 80 жилийн ойн дурсамж цэнгүүн болно

42087296_2145928302393851_2731984145289838592_n.png Налайх дүүргийн “Голомт” цогцолбор сургуулийн 80 жилийн ойн дурсамж цэнгүүн болно

Алтан гадас одонт “Голомт” цогцолбор сургуулийн 8000 гаруй төгсөгчид Налайх дүүрэг, Монгол орны төдийгүй дэлхийн өнцөг булан бүрт ажиллаж, сурч, амьдарч байна. 2018 оны 06 сарын 09-нд “Голомт” цогцолбор сургуулийн үе үеийн төгсөгчид чуулж төгсөгчдийн холбоо байгуулсан билээ.
Шинэхэн байгуулагдсан Голомт цогцолбор сургуулийн төгсөгчдийн “Соёмбо” холбоо нь төрөлх сургуулийнхаа түүхт 80 жилийн ойг тохиолдуулан нийт төгсөгчдөө уриалан “80 дахь намар” дурсамж цэнгүүнийг 2018 оны 09 сарын 22-ны 18:00 цагт Зайсан хилл эвент холл-д зохион байгуулахаар болжээ.
Амьдралын алтан мөч, арван жилийн дурсамжаа ахин мөнхөлж, анд нөхөд, ангийн багштайгаа хамт 80 дахь намраа угтаж нэгэн үдшийг Голомтынхон нэгэн дээвэр доор дуутай, хууртай, дурсамжтай өнгөрүүлэхээр төлөвлөжээ.
Мөн ойн арга хэмжээний үеэр төгсөгчдийн холбооны захиалгаар Гранд хамтлагийн дуучин В.Гантулгын “Хонхны дуу” хэмээх шинэхэн уран бүтээл мэндэлж, шинэ клипээ олны хүртээл болгох юм. Үүгээр ч зогсохгүй төгсөгчид маань хандивын аян өрнүүлж, хамтын хүчээр төрөлх нутаг, төгссөн сургуульдаа анхны зориулалтын Хөлбөмбөгийн ногоон талбай барьж байгуулж өгөх юм.

Хандив өргөсөн хувь хүн, анги хамт олон, албан байгууллагын нэрсийг Хөлбөмбөгийн талбайн үүдэнд байрлах самбарт бичиж алдаршуулах юм байна. Хэрвээ та энэхүү хандивын аянд нэгдэж, сэтгэлийн өргөл барихыг хүсвэл Голомт цогцолбор сургуулийн төгсөгчдийн “Соёмбо” холбооны Хаан банкин дахь 5779084503 тоот дансанд хандив өргөх боломжтой.
Төгсөгчид маань “Голомт цогцолбор сургуулийн төгсөгчид” фэйсбүүк бүлгэмд нэгдэцгээж байгааг дуулгая.

“Голомт” цогцолбор сургуулийн төгсөгчдийн холбоо

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ