Монголын уран бүтээлчид “London Design Biennale 2018”-д амжилттай оролцлоо

5ba2f8279d45f.jpeg Монголын уран бүтээлчид “London Design Biennale 2018”-д амжилттай оролцлоо

Лондон хотноо энэ 9 дүгээр сарын 4–23-ны өдрүүдэд зохион байгуулагдсан “London Design Biennale 2018”-д өөрийн уран бүтээлээ толилуулах, бусдаас суралцах, дэлхий ертөнцийн хөгжлийн чиг хандлагыг танихаар олон орны уран бүтээлчид идэвхтэй оролцлоо. Манай улсаас ноолууран эдлэл үйлдвэрлэгч “OYUNA” брэнд Тогтвортой ноос ноолуурын эвсэлтэй хамтран оролцов.

Үзэсгэлэнгийн нэг гол үзмэр болох “Ноолууран үүл” үзэгчдийн анхаарлыг ихээхэн татаж байсан төдийгүй гадны хэвлэл мэдээллийн хэрэгслийн сонирхлыг татсан өвөрмөц үзмэр байв. Ноолуурыг утас болгон ээрч, бэлэн бүтээгдэхүүн болгохоос өмнө хичнээн зөөлөн хөвөн шиг эд байдгийг тус үзэсгэлэнг сонирхогчдод толилуулахаар Тогтвортой ноос ноолуурын эвсэл 40 кг орчим угааж самнасан ноолуурыг дэлгэн үзүүлсэн юм. Монголын ноолуур, ноолууран эдлэл үйлдвэрлэгчдийг дэлхийд таниулах нэгэн гарцыг энэхүү үзэсгэлэн нээж өглөө.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ