Арьсны онцлогтоо тохируулан суурь кремээ зөв түрхэж сурцгаая!

cfc5f5a56e75288d8f314e5552b54dea.jpg Арьсны онцлогтоо тохируулан суурь кремээ зөв түрхэж сурцгаая!

Нүүр будалтын хамгийн чухал зүйл бол суурь крем юм. Өөгүй сайхан нүүр будалт хийхэд анхаарах зүйл бол нүүрний кремээ арьсны онцлогтоо тохируулан зөв түрхэх нь хамгийн чухал зүйлийн нэг байдаг. Ингэсэнээр таны нүүр ямар ч өө сэвгүй толигор харагдахын зэрэгцээ, нүүрний будаг тань урсахгүй байхаас гадна хэд хэдэн давуу талтай. Өнөөдөр бид та бүхэндээ суурь кремээ хэрхэн зөв түрхэх талаар багахан зөвлөгөөг хүргэхээр бэлтгэлээ.

Арьсны онцлогтоо тохируулан суурь кремээ зөв түрхэж сурцгаая!

1 Хуурай арьс

Хуурай арьсны гадаргуу тэнцвэргүй байдаг учир кремээ гараараа түрхвэл загалтуулж орхино. Ингэсэнээр таны арьс улам арзайж харагдана. Мөн арьсанд тань сайн шингэж өгөхгүй, үүгээр ч зогсохгүй нүүрэн дээрээ кремээ нялчихсан мэт хуурамч төрхийг үүсгэдэг.

Харин нүүрээ сайтар угааж, чийгшүүлсний дараа зориулалтын парлоноор кремээ бага зэрэг цохилттой түрхэж тараах хэрэгтэй. Гэхдээ парлон бага зэрэг чийгтэй, нойтон байх ёстой гэдгийг бүү мартаарай.

Хуурай арьс

2 Тослог арьс

Юун түрүүнд тослог арьс нь дээр сайн тогтдог крем олох нь чухал. Харин хэрхэн кремээ түрхэх вэ? Кремээ нүүрэн дээрээ жижиг хувааж түрхээд урт багсаар дугуй хэлбэр гаргаж кремээ тараах хэрэгтэй. Багсаа чанга дарж болохгүй, учир нь зураас үлдээх боломжтой юм. Хамгийн тослогтдог хэсэгтээ нунтаг энгэсэг хөнгөхөн түрхээрэй. Тэгвэл нүүр толийж, гэрэлтэж харагдана.

Тослог арьс

3 Батгатай арьс

Батгашиж, улайж, эмзэг болсон арьс арчилгаа их шаарддаг. Өдрийн турш батга, соривгүй юм шиг төгс харагдахыг та хүснэ. Харин тийм үр дүнд хүрэхийн тулд кремээ хуруугаараа тарааж, түрхэх хэрэгтэй. Гэхдээ мэдээж нүүрээ будахаасаа өмнө гараа маш сайн угааж, цэвэрхэн байлгах ёстой. Тэгэхгүй бол гараар олон янзын бактери дамжин нүүр улам их батгашин шүү.

Батгатай арьс

4 Улайсан арьс

Улайсан эмзэг арьстай бол кремээ хавтгай, өргөн багсаар түрхэх нь зүйтэй. Хавтгай өргөн багс нь дээр крем сайн тогтдог, өөртөө шингээж авдаггүй тиймээс нүүрний улайсан өө сэвийг сайн дарж өгдөг. Кремээ дугуй хэлбэрээр тарааж түрхэнэ.

Улайсан арьс

5 Нүхжилттэй арьс

Өтгөн, бөөрөнхий багсаар кремээ түрхэнэ. Кремийг арьсанд хөнгөхөн хэрнээ, өө сэвгүй тарааж өгдөг мөн нүхжилттэй хэсгийг сайн дарж өгдөг. Нүхжилттэй хэсэгт кремийг лав шингээхгүй хэрнээ, сайн арилгаж чаддаг. Түүнчлэн нүүрээ хэт их кремдсэн мэт харагдуулдаггүй, яг л хэрэгтэй хэмжээгээр арьсанд шингээдэг.

Нүхжилттэй арьс

6 Энгийн арьс

Крем түрхэдэг, зориулалтын хавтгай багсаар нүүрээ будах нь зөв. Дээрх бөөрөнхий, эсвэл урт багсаар кремээ түрхэвэл нүүрэн дээрээ хэт их энгэсэг нялсан мэт харагдуулдаг.

Энгийн арьс

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ