Д.Очирваань: Иргэдийн шүүхэд итгэх үзэл буурч байгаагийн гол асуудал өмгөөлөгчөөс хамааралтай юм

18-11.gif Д.Очирваань: Иргэдийн шүүхэд итгэх үзэл буурч байгаагийн гол асуудал өмгөөлөгчөөс хамааралтай юм

Залуу өмгөөлөгч Д.Очирвааньтай өмгөөлөгч, шүүгч хоёрын хэн нь хэргийг шийдвэрлэхэд онцгой үүрэгтэй байдаг талаар ярилцлаа.

- Сүүлийн жилд манай төр, засгийн эрх мэдэлтэй хүмүүс тэрбумаар нь мөнгө завшиж байгаа тухай мэдээллэдэг. Гэтэл багахан хэмжээний эд зүйлс, мөнгө хулгайлсан хүмүүст шүүгчид ял, шийтгэл оногдуулж, хорьдог хэрнээ мөнгө завшигч эрх мэдэлтэй хүмүүс нь ажлаа хийгээд яваад байна гэж ярьдаг. Өмгөөлөгч хэргийн үнэнийг тогтоолгож, зөв, шударга шийдүүлэхийн төлөө ажилладаг хүмүүс. Энэ асуудалд та ямар байр суурьтай байна вэ?

-Төрийн өндөр албан тушаалтан, эрх мэдэл бүхий хүмүүс гэмт хэрэгт холбогдоод ял шийтгэлгүй өнгөрч байна гэж яриад байгаа. Энэ асуудлыг Шүүхийн байгууллагаас шалгаад, эрх мэдэл бүхийн зарим этгээдэд тодорхой төрлийн ял шийтгэл өгсөн байдаг.

Зарим тохиолдолд Эрүүгийн хуулийн тусгай ангид заасан ямар санкц байна тэр хүрээнд ял шийтгэлийг оногдуулж байна гэж би ойлгож байгаа.Тэгэхээр хууль хүн бүрт адил тэгш үйлчилж байна гэж боддог.

Өөрөөр хэлбэл, мөрдөн байцаалтын ажиллагаа эхлэж, прокурор яллах дүгнэлт хийгээд Шүүхийн байгууллагад шилжүүлсэн хэрэгт шүүхээс өндөр албан тушаалтай эрх мэдэл бүхий хүмүүст ял оногдуулсан хэд хэдэн тохиолдол гарсан.

-Тэгвэл яагаад оффшорын хэрэг гэж шуугиад байгаа юм бол. Төрийн зургаан эрх мэдэл бүхий хүмүүсийг төрийн хөрөнгөөс завшсан луйварчид гэж зарим ТББ-уудын төлөөлөл фээсбүүкээр, сонин хэвлэлээр мэдээлсээр байна.

Тэнд Ц.Элбэгдорж, М.Энхболд, С.Баяр, Сү.Батболд, С.Баярцогт нарын нэр бичигддэг.Мөн З.Баянсэлэнгэ өчнөөн тэрбум завшсан нь тогтоогдсон гэх. Та энэ мэдээллийг хэрхэн үзэж байгаа вэ?

-Хамгийн гол нь олон нийтийн байгууллага, сэтгүүлчид энэ мэдээллийг гаргаж мэдээлж байгаа. Эрүүгийн хэргийг хянан шийдвэрлэх тухай хуулинд заасны дагуу энэ хэргийн мөрдөн байцаалт, хэрэг бүртгэлийн ажиллагааг Цагдаагийн байгууллага хийж, тогтоох ёстой. Хэн нэгэн хүний хардлага гэмт хэрэг үйлдснийг нотолж байгаа баримт биш.

-Шүүх жирийн иргэн төдийгүй төрийн эрх мэдэл бүхий зарим хүмүүсийн хэргийг шийдвэрлэхдээ шударга ханддаг гэж үзэж байна уу?

-Шүүхийн байгууллага хэргийг нотлох баримтанд үндэслэж, шударга шийдвэр гаргадаг гэж үздэг. Харин иргэдийн шүүхэд итгэх үзэл яагаад буурч байгаагийн гол асуудал өмгөөлөгчөөс хамааралтай юм.

Өөрөөр хэлбэл, үйлчлүүлэгч хэргийнхээ нотлох баримтаа өмгөөлөгчтэйгээ хамт хэрхэн бүрдүүлж, шүүхэд хэрхэн тайлбарлах вэ гэдгээс хамаарна.

www.ardchilal.mn  Ярилцсан Б.Баярмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ