Сайхан сэтгэлийн үзүүрт шар тос

41951390_282324949037819_3747623458436022272_n.jpg Сайхан сэтгэлийн үзүүрт шар тос

“Моннис” группын 20 жилийн ой тохиож буйтай холбогдуулан “Аэро Монголиа” компанийнхан өөрсдийн санаачлагаар “Сайн үйлсийн аян”-ыг эхлүүлээд олон сайхан арга хэмжээнүүд зохион байгуулсаар байна. Энэхүү арга хэмжээний  хүрээнд “Аэро Монголиа” ХХК-ийн Газрын Үйлчилгээний Албаны хамт олон “Ахиллис Монгол” ТББ -аас 4 дэх удаагаа зохион байгуулагдаж буй “Итгэл, найдвар, боломж-Улаанбаатар 2018” бүх нийтийн марафоныг дэмжиж хамтран оролцлоо.

Монголын хүн ам сүүлийн жилүүдэд хөдөлгөөний дутмагшилт, таргалалт, зүрх судасны өвчнөөр өвчлөх нь ихэсэж байгаа бөгөөд  нийт хүн амын дунд идэвхитэй дасгал хөдөлгөөнийг сурталчилах нь дээрх төрлийн өвчлөлөөс болон бусад төрлийн өвчин эмгэгээс урьдчилан сэргийлэхэд чухал үр нөлөө үзүүлэх нь дамжиггүй юм.

Газрын үйлчилгээний албаны ажилтнууд уг марафонд оролцож буй  иргэдийг спортоор дамжуулан өөртөө итгэх итгэлийг дээшлүүлэх үүднээс Хөгжлийн бэрхшээлтэй иргэдийн гүйлтийн хөтөч болж, мөн анд найзууд болж хамтдаа гүйж бие болоод сэтгэл санааны дэмжлэг үзүүлж, нэгэн өдрийг цэвэр агаарт хөгжилдөн баяр хөөртэй, инээд баяслаар дүүрэн, өрсөлдөн, тэмцэлдэн, уралдан өнгөрүүллээ. Энэхүү марафон гүйлтийн зорилго нь:

  1. Олон нийтэд хөгжлийн бэрхшээлийн талаарх ухамсар, ойлголтыг дээшлүүлэх
  2.  Спорт нь эрүүл мэнд, саруул ухаан, амжилтын үндэс гэдгийг олон нийтэд сурталчлах
  3. Хөгжлийн бэрхшээлтэй иргэдийг спортоор хичээллүүлэх ажлыг дэмжих, хөрөнгө босгох
  4. Нийгмийн хариуцлагатай аж ахуйн нэгж, хувь хүнийг сурталчилах зэрэг зорилготой.    

Уг марафоныг санаачлагч “Ахиллис Монгол” ТББ нь 2015 оны 1 сард байгуулагдсан. Тус ТББ-ын гол зорилго нь бүх нийтийг спортод хамруулах замаар хөгжлийн бэрхшээлтэй хүн бүрийг хөгжүүлж, өөртөө итгэх итгэлийг нь нэмэгдүүлж, амьдралын чанарыг нь дээшлүүлэх зорилготой ажилладаг хүмүүнлэгийн байгууллага юм. Уг байгууллага нь олон нийтэд чиглэсэн спортын нөлөөллийн үйл ажиллагааг хэрэгжүүлж, үүндээ хөгжлийн бэрхшээлтэй иргэдийг идэвхтэй татан олон олноор нь оролцуулж иржээ.

Тус байгууллагын зохион байгуулсан спортын аянуудад жил бүр давхардсан тоогоор 15,000 гаруй энгийн иргэд, 600 гаруй хөгжлийн бэрхшээлтэй иргэд хамрагддаг аж. Үүний нэг томоохон жишээ нь 2015 оноос эхлэн жил бүрийн 9-р сарын 2 дахь 7 хоногийн бямба гарагт зохион байгуулдаг энэ жил 4 дэх удаагаа зохион байгуулагдаж буй “Итгэл найдвар, боломж-Улаанбаатар 2018” бүх нийтийн марафон юм.

Жилээс жилд уг марафон нь бүх нийтийн гүйлтэндээ илүү олон салбар, хүмүүсийг хамруулж мөн олон улсын түвшинд уламжлал болгон зохион байгуулж цаашдаа, гадаад дотоодын байгууллагууд, тамирчид, урлаг спортын хүмүүсийг илүү өргөн хүрээнд хамруулахаар зорьж байна. Энэ удаагийн арга хэмжээнд“Аэро Монголиа” ХХК-ийн хамт олон тус байгууллагын ивээн тэтгэгч, дэмжигчээр оролцсон бөгөөд Газрын үйлчилгээний албаны хамт олноос 1-р байранд орсон Даваасүрэнг Орон нутгийн чиглэлд үнэгүй нисэх эрхийн бичгээр, мөн удаах байруудад орсон иргэдийг “FOKKER-50” онгоцны макетаар шагнаж урамшуулан дурсгалын зүйл гардуулж цаашдын ажилд нь амжилт хүслээ. 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ