О.Цэенрэгзэн: Гадаад худалдаа эрхлэгч аж ахуйн нэгж, иргэдэд хүндрэлгүй үйлчлэх тухай хэлэлцэж байна

tse.jpg О.Цэенрэгзэн: Гадаад худалдаа эрхлэгч аж ахуйн нэгж, иргэдэд хүндрэлгүй үйлчлэх тухай хэлэлцэж байна

“Худалдааг хөнгөвчлөхөд гааль, мэргэжлийн хяналтын байгууллагын гүйцэтгэх үүрэг, оролцоо” сэдэвт олон улсын хурал Шангри-ла зочид буудалд 9 дүгээр сарын 11-ний өдөр болж байна.

Олон улсын хурлаар манай улс олон улсад хэрэгжиж буй “Гаалийн байгууллагын итгэмжлэгдсэн ААН” хөтөлбөрт хамрагдсан нөхцөлд Монголын гадаад худалдаа эрхлэгч компани, ААН-үүд хөрш орноос аваад хүлээн зөвшөөрөгдсөн улс орны хил, гаалиар дахин шалгуулах, хүлээж чирэгдэл удах зэрэг төвөггүйгээр шууд нэвтрэх боломжтой болох гарц, шийдлүүдийг тодорхойлох гэж байна.

Энэ хөтөлбөрийг тодруулбал, “Гаалийн итгэмжлэгдсэн аж ахуйн нэгж” хөтөлбөр нь олон улсынх аж. Хөтөлбөрт хамрагдсан улс орнууд хил, гаалийн талын зүгээс гадаад худалдааг хөнгөвчлөх хэлэлцээрийг тал талаасаа хийж тухайн орны бараа, бүтээгдэхүүнийг саадгүй нэвтрүүлэх үүрэг хүлээдэг байна. Нэг ёсондоо хил, гааль бизнес, худалдаа эрхлэгчдэд илүү нээлттэй, хөнгөн шуурхай үйлчлэхэд чиглэгдэж байна.

Энэ талаар Гаалийн ерөнхий газрын Төрийн захиргааны удирдлагын газрын дарга О.Цэенрэгзэнээс тодрууллаа.

-Монголд гадаад худалдааг хөнгөвчлөх асуудал ямар байдалтай байна вэ. Энэхүү хурлын талаар тодорхойлж хэлнэ үү?

 -Гадаад худалдааг хөнгөвчлөх асуудлаар хэлэлцэж байгаа олон улсын бага хурлыг Дэлхийн банк, ГХЯ, ГЕГ, МХГ хамтарч зохион байгуулж байна.

Бид худалдааг хөнгөвчлөхөд гааль, мэргэжлийн хяналтын байгууллагын гүйцэтгэх үүрэг ямар байх талаар онцлон хэлэлцэж байна. Гадаад худалдааны тэнцэл 2017 оны байдлаар 20 гаруй хувь өссөн байсан. Өнөөдрийн байдлаар өнгөрсөн оны мөн үетэй харьцуулахад 550 орчим тэрбум төгрөгөөр давсан байна. Тэгэхээр гадаад худалдаа нэлээд их өсөлттэй байна гэж ойлгож болно.

Харин Монгол Улсын хилээр бараа, бүтээгдэхүүн нэвтрүүлэхэд хяналт тавьдаг ГЕГ, МХГ нь гадаад худалдаанд оролцогч иргэдэд яавал чирэгдэлгүй үйлчлэх вэ, хяналтаа яаж зохион байгуулах вэ гэдэг чухал асуудал юм.

Мөн бага хурлаар зарчмын хувьд бид хамтарч нэг дор хяналтаа тавивал гадаад худалдаа эрхлэгч аж ахуйн нэгж, иргэдэд хүндрэлгүй үйлчлэх тухай ярилцаж байна. Үүний зэрэгцээ бусад орнуудын туршлагыг сонсож байна. Орой энэ талаар нэгдсэн дүгнэлт гарах юм. Олон улсын хурал нь ГЕГ, МХГ өргөн бүрэлдэхүүнээр хуралдаж байгаа хамгийн анхны тохиолдол болж байгаагаараа ач холбогдолтой.”

-Гадаад худалдааг хөнгөвчлөх асуудлаар гааль дээр хамгийн бэрхшээлтэй ямар асуудал тулгарч байгаа вэ?

-Энэ талаар ярьвал нэлээд хэдэн асуудал бий.Тухайлбал, гадаад худалдаа бол өргөн цар хүрээтэй. Энгийн жишээ татахад, Буянт-Ухаа онгоцны буудлын гаалиар орж ирж байгаа зорчигч болгоны, мөн бараа тээвэр бүрийг шалгаад, онгичиж, уудлаад байж болохгүй. Тиймээс цаг үетэйгээ нийцэж эрсдэл тооцох ёстой. ГЕГ хяналтын тоног төхөөрөмж, дэлхийн хөгжингүй орнуудын гаалийн байгууллагуудын хэрэглэдэг хянагч, илрүүлэгч аппаратууд, эрэлч нохойнууд, мөн гаалийн байцаагч нарын ур чадварыг сайжруулах талд сүүлийн жилд нэлээд их ажил хийж байна. Цаашдаа ч ийм шинэлэг өөрчлөлтийг хийгээд явах болно.  

www.ardchilal.mn Б.Баярмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ