Хилийн чанад дахь монголчуудад тулгарч байгаа гурван том асуудлыг чуулганаар хэлэлцэнэ

2018-09-10_10.36.16.jpg Хилийн чанад дахь монголчуудад тулгарч байгаа гурван том асуудлыг чуулганаар хэлэлцэнэ
Хилийн чанад дахь монголчуудын холбоо, ТББ-уудын III чуулга уулзалт”,болон “Монгол Улсын Соёлын элч нарын анхдугаар чуулга уулзалт”-ын зохион байгуулагчид 9 дүгээр сарын 11-ний өдөр мэдээлэл ГХЯ-нд хийлээ.

Хилийн чанад дахь монголчуудын зөвлөл ТББ-ын тэргүүн Н.Номун-эрдэнэ: Монгол Улсын Гадаад харилцааны яам, “Хилийн чанад дахь Монголчуудын зөвлөл” ТББ хамтарч “Хилийн чанад дахь Монголчуудын холбоо, ТББ-уудын III чуулга уулзалт”-ыг 2018 оны 9 дүгээр сарын 12-ноос 14-ний өдрүүдэд Улаанбаатар хотноо зохион байгуулна.

Чуулга уулзалтаар хилийн чанадад амьдарч, ажиллаж, сурч буй монгол иргэдийн хууль ёсны эрх ашгийг хамгаалах, иргэдийн нийгмийн асуудлыг шийдвэрлэх, Монгол сургууль, монголчуудын холбоодын үйл ажиллагааг дэмжих, мөн гадаадад оршиж сууж буй иргэдийн хилийн чанадаас эх орныхоо хөгжил дэвшилд оруулах хувь нэмэр, боломж зэрэг асуудлуудыг онцлон авч хэлэлцэх юм.

Цаашдаа юу хийх вэ, үйл ажиллагааны ямар чиглэл, асуудалд анхаарч ажиллах талаар голлон анхаарч ажиллах юм. Мөн 2020 онд тодорхой, бодитой ямар ажлуудыг хийх талаар хэлэлцэж, тодорхой чиглэл гаргана. Энэ ажлын хүрээнд холбогдох БСШСЯ, мэргэжлийн бусад байгууллагуудтай хамтарч ажиллаж эхлээд байна. Жишээ нь, Хүүхдэд зориулсан сурах бичгийн хөтөлбөр гаргасан. Хөтөлбөрийн хүрээнд цахим сурах бичгийг ч нээн ажиллуулж байгаа. 

ГХЯ-нй Гадаад сурталчилгаа соёлын харилцааны газрын захирал Х.Мандахцэцэг: Чуулга уулзалтын хүрээнд монгол иргэдэд тулгарч байгаа асуудлыг салбар хуралдаанаар дэлгэрэнгүй ярилцаж, хэлэлцэнэ. Ер нь 3 дэхь уулзалтын үеэр 2019 оны гол зорилтууд, хийх ажлуудыг нэгдсэн хуралдаанаар хэлэлцэнэ.

Энэ үеэр “Хилийн чанад дахь монгол иргэдийн эрх зүйн орчин, нийгмийн асуудлууд”, “Гадаадад боловсрол эзэмшсэн болон суралцаж буй  монгол оюутнууд”, ”Хилийн чанад дахь монгол хүүхдүүдийн монгол хэл, соёлын дархлаа” сэдэвт салбар хуралдаанууд болно.

Чуулга уулзатанд оролцохоор 40 гаруй улсад үйл ажиллагаа явуулдаг 100 монголчуудын холбоо, ТББ-уудын төлөөлө, төрийн болон олон улсын тусламжийн байгууллага, Монголын үндэсний худалдаа аж үйлдвэрийн танхим, бизнесийн холбоод зэрэг160 гаруй зочид, төлөөлөгчид оролцох юм. Одоогийн байдлаар хилийн чанадад 157 526 монголчууд амьдардаг гэсэн албан ёсны мэдээлэл байгаа. 9 дүгээр сарын 14-ны өдөр ХАҮТ-д нээлттэй өдөрлөг зохион байгуулна. Гадаадад сурч, ажиллаж байгаа монгол иргэд, компанийн төлөөлөл чуулга уулзалтанд илүү их оролцоно.

Хилийн чанад дахь монголчуудын зөвлөлийн УЗ-ийн гишүүн, Нийгмийн бодлогын хорооны дарга С.Цэрэндэмбэрэл: Хилийн чанад дахь монголчуудад тулгарч байгаа гурван том асуудлыг шийднэ.. Нэгд, нийгмийн хамгааллын асуудал, үүнд нийггэм, эрүүл мэндийн даатгал, тэтгэвэр, тэтгэмж, хоёрт, үндэсний хэл, зан заншлаа мартах асуудал, гуравт, охид, эмэгтэйчүүд, хүүхдийн эрхийн асуудал зэрэг юм.
Мөн сүүлийн үед Монголдоо ирж амьдрах хүсэлтэй иргэдийн визний асуудлыг шийдэх хэрэгтэй байгаа юм. Ер нь хилийн чанадад 200 000-аад монголчууд амьдардаг гэсэн барагцаалсан тооцоо байдаг. Тэдний заримынх нь нийгмийн хамгаалалын асуудал шийдэгдээгүй хүндрэлтэй байна.
Гадаадад байгаа иргэд эх орныхоо хөгжилд тодорхой хэмжээний хувь нэмэр байнга оруулж байгаа. Энэ оны 6 дугаар сарын дотор хилийн чанадад байдаг монгол иргэд 136 сая ам.долларыг Монгол банк руу шилжүүлсэн байдаг. Сүүлийн жилүүдэд гадаад руу монголчууд ажиллах, сурах, амьдрахаар явах нь өссөн учир нийгмийн хамгааллын асуудлыг нэн түрүүнд шийдэх ёстой гэдгийг онцолж мэдэгдээд байна. Бид Нийгмийн даатгалын сайн дурын төлөөлөгчийг ажилуулах шаардлагатай гэсэн саналаа Засгийн газар, НДЕГ-т тавьсан.
www.ardchilal.mn Б.Баярмаа
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ