МОНГОЛЫН ХӨЛБӨМБӨГИЙН ШИГШЭЭ БАГИЙН ТҮҮХЭНД ОНЦГОЙ АМЖИЛТЫН ШИНЭ ХУУДАС НЭЭГДЛЭЭ

p1cmp05qde1cpghdv1h8d38g1gn03.jpg МОНГОЛЫН ХӨЛБӨМБӨГИЙН ШИГШЭЭ БАГИЙН ТҮҮХЭНД ОНЦГОЙ АМЖИЛТЫН ШИНЭ ХУУДАС НЭЭГДЛЭЭ
Монголын хөлбөмбөгийн үндэсний шигшээ баг /Майкл Вайсс дасгалжуулагчтай/ пүрэв гарагт /2018.09.06/  багтай 1:1-ээр тэнцсэнээр анх удаа Зүүн Азийн АШТ-ий нэгдүгээр шатыг давж чадлаа.

Нэг хожил, нэг хожигдолтой байсан Гуамын баг манай шигшээг заавал хожиж байж дараагийн шатны эрх авах учраас энэ тоглолтод тэд маш хүчтэй өрсөлдөөнийг үзүүлж ширүүн тоглолт өрнөсөн. Ийнхүү тоглолт харилцан довтолгоон хийж аль аль тал нь идэвхийлсэн ч гоол оруулж чадалгүй үндсэн цаг дуусах дөхөөд байсан 89 дэх минутад Гуамын багаас Деван Жаков Камачо гоол оруулж, “Талын хөх чононууд” үлдсэн таван минутын хугацаанд тооны харьцааг зайлшгүй тэнцүүлэх шаардлага тулгарсан. Нэг гоол хаалгандаа алдсан манай шигшээ баг, хөгжөөн дэмжигчдийнхээ урам дэмийн ачаар сэтгэлээр уналгүй тоглосон нь гайхалтай.


Тэд шүүгчийн мэдлийн дөрвөн минутыг зөвхөн Монголын багт зориулан сунгасан мэт эрч хүчтэй довтолгоонуудыг хийсэн. Энэ шургуу довтолгооныхоо үр шимийг хүртэж, сэлгээгээр орж ирсэн М.Жансерикийн дамжуулалтаар Н.Цэдэнбал 60 жилийн намтартай Монголын хөлбөмбөгийн түүхэнд алтан үсгээр бичигдэх гоолыг оруулж чадлаа. Монголын шигшээ баг хожлын дайтай тэнцээ авсан манай эрэгтэйчүүдийн үндэсний шигшээ баг, эмэгтэйчүүдийн үндэсний шигшээ багийнхаа хамтаар Зүүн Азийн АШТ-ий нэгдүгээр шатны босгыг ийнхүү давж гарлаа.



Зүүн Азийн АШТ-ий нэгдүгээр шатанд Монголын эрэгтэйчүүд, эмэгтэйчүүдийн үндэсний шигшээ багууд анх удаа зэрэг оролцсон төдийгүй анх удаа хоёулаа дараагийн шатанд шалгарсан түүхэн амжилтыг үзүүлж чадсан нь гайхалтай. Монголын шигшээ багийн залуус нэгдүгээр шатны аваргын цомоо өргөснөөс гадна Н.Цэдэнбал шилдэг тоглогч, Б.Балжинням мэргэн буучийн шагналын эзэн боллоо.

Д.Өлзий
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ