“ЛАЛЫН УЛС” БҮЛЭГЛЭЛИЙН ТОЛГОЙЛОГЧ ДАГАГЧ НАРТАА ДУУТ ЗАХИА ИЛГЭЭЖЭЭ

p1cliqqbg5u6vnherg0k9p1ui83.jpg “ЛАЛЫН УЛС” БҮЛЭГЛЭЛИЙН ТОЛГОЙЛОГЧ ДАГАГЧ НАРТАА ДУУТ ЗАХИА ИЛГЭЭЖЭЭ

“Лалын улс” бүлэглэлийн толгойлогч Абу Бакр аль-Багдади дагагч нартаа дуут захиа илгээж, үргэлжлүүлэн тэмцэхийг уриалжээ.

Өнгөрсөн оны есдүгээр сараас хойш анх удаа олон нийтэд хүрч буй энэ дуут захиандаа тэрбээр, Канад болон Европт халдлагууд үйлдсэн хүмүүст баяр хүргээд, хутга, автомашин, тэсрэх бөмбөг ашиглан дахин халдлага үйлдэхийг уриалсан байна.

Үүний зэрэгцээ Абу Бакр аль-Багдади энэ долоо хоногт болсон “Ид аль-Адха” буюу “Тахилын баяр”-аар уулзахыг лалын шашинтнуудад санал болгосноос үзвэл тэрбээр уг захиагаа сүүлийн үед хураасан байх магадлалтай юм.

“Лалын улс” бүлэглэл нь Сири болон Иракийн нутаг дэвсгэрт хяналтаа тогтоосон газруудынхаа дийлэх хувийг алдаад байгаа билээ.

Өнгөрсөн онд тус бүлэглэл Ракка болон Мосул хот дахь бэхлэлтээ орхихоос өөр аргагүй байдалд хүрсэн юм.

Харин тэрбээр энэ асуудалтай холбогдуулан агаарын давуу тал, тив дамнасан пуужингийн систем, бөмбөгдөлт зэрэг дэмжлэгтэй талууд хот, тосгоны хяналтыг авснаараа Ариун дайны ялалт, ялагдлын цар хүрээг тодорхойлохгүй гэж дуут захианд дурдсан байна.

 

Д.Нямтулга

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ