Д.ТРАМП ИРАНЫ ЭСРЭГ ХОРИГ АРГА ХЭМЖЭЭГ СЭРГЭЭЖЭЭ

p1ck96stgsaei174c1p531pft7tb3.jpg Д.ТРАМП ИРАНЫ ЭСРЭГ ХОРИГ АРГА ХЭМЖЭЭГ СЭРГЭЭЖЭЭ

АНУ Ираны цөмийн хөтөлбөрийн асуудлаархи хэлэлцээр болох Үйл ажиллагааны хамтарсан цогц төлөвлөгөөнөөс гарсантай холбоотойгоор Ираны эсрэг хориг арга хэмжээнийхээ эхний хэсгийг өнгөрсөн даваа гарагт сэргээжээ.

Шинэ хориг арга хэмжээнүүдэд Ираны иргэн болон компаниуд ороод зогсохгүй тэдний түншүүд багтаж байгаа бөгөөд хориг арга хэмжээ өмнөхөөсөө илүү өргөн хүрээтэй аж. Үйл ажиллагааны хамтарсан цогц төлөвлөгөөг шүүмжилж байсан АНУ-ын Ерөнхийлөгч Д.Трамп тус хэлэлцээрээс АНУ-ыг гаргаж байгаагаа өнгөрсөн 5 дугаар сард зарласан билээ.

АНУ шинэ хориг арга хэмжээ авч байгаагаа зарлаж байгаа нь Ираныг дотоод болон гадаад бодлогоо өөрчлөх, цөмийн хэлэлцээр шинээр байгуулахыг нь зөвшөөрүүлэх зорилготой юм. Хориг арга хэмжээг авч байгаатай холбоотойгоор Д.Трамп мэдэгдэхдээ энэ асуудлаар Ираны эрх баригчидтай ярилцахад бэлэн байна гэжээ. Гэсэн хэдий ч АНУ Ираны цөмийн хэлэлцээрт эргэн орохоос нааш тус улстай яриа хэлэлцээ хийх бодолгүй байгаагаа Ираны эрх баригчид тодорхой ойлгуулсан юм.
Э.Аянзаяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ