ӨНДӨР ХҮЧДЭЛИЙН ЦАХИЛГААНЫ ШУГАМ ТАСАРЧ ИЛ БОЛСНЫГ ЗАСЧ, АЮУЛГҮЙ БОЛГОХ ҮҮРЭГ ӨГӨВ

p1cjdgm2271juic601vtpu9uoc83.png ӨНДӨР ХҮЧДЭЛИЙН ЦАХИЛГААНЫ ШУГАМ ТАСАРЧ ИЛ БОЛСНЫГ ЗАСЧ, АЮУЛГҮЙ БОЛГОХ ҮҮРЭГ ӨГӨВ

Нийслэлийн Засаг даргын орлогч П.Баярхүүгээр ахлуулсан ажлын хэсэг энэ сарын 25-ны өдөр Сүхбаатар дүүргийн 18 дугаар хороонд ажиллалаа.

Усархаг бороо ихээр орж байгаагаас үүдэн тус хорооны үерт өртөх магадлалтай зарим газруудад хаалт, далан тавих, түүнчлэн зуслангийн зарим бүсэд эрчим хүчний хүчдэл бага тул нэмэгдүүлэх талаар анхаарч шаардлага тулгараад байгаа юм.

Нийслэлийн Засаг даргын орлогч П.Баярхүү тус хороонд тулгарсан асуудлыг шийдэхийн тулд  48-р гудамжинд үер уснаас зайлуулах хаалт тавьж, шаардлагатай техник технологи гаргаж өгөх, Бэлхийн 49-р гудамжинд үер уснаас зайлуулах гарам хийж гэрлийн шонг зайлуулах, Бэлхийн 53-р гудамжинд Байгаль орчны газрын зөвшөөрөлтэйгөөр өндөрлөг газрыг тэгшлэх зэрэг ажлуудыг хийхийг холбогдох албан тушаалтнуудад үүрэг болголоо.

Үүнээс гадна тус хорооны 51-р гудамжинд байрлах 380-ын өндөр хүчдэлийн цахилгааны шугам тасарч ил болсон байсныг засч, аюулгүй болгох үүргийг өглөө.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ