ТАКСИНЫ ЖОЛООЧ СОГТУУ ЭМЭГТЭЙГ ХҮЧИРХИЙЛСЭН ХЭРЭГ ГАРЧЭЭ

p1cjdcp8mc1g1j7eh1gas1dg47103.jpg ТАКСИНЫ ЖОЛООЧ СОГТУУ ЭМЭГТЭЙГ ХҮЧИРХИЙЛСЭН ХЭРЭГ ГАРЧЭЭ

“Драгон” хүнс барааны захын урд зогсоолд Улаанбаатар-Өвөрхангай чиглэлд үйлчилгээнд явдаг автомашины жолооч энэ сарын 25 буюу уржигдар хүчингийн хэрэг үйлдсэн байж болзошгүйг шалгаж байна.

Өвөрхангай аймгийн харъяат, 31 настай эмэгтэйг согтуурч, биеэ хамгаалж, эсэргүүцэл үзүүлэх чадваргүй болсныг далимдуулан таксины жолооч автомашин дотроо хүчирхийлсэн хэрэг гарчээ. Согтуу байсан эмэгтэй Өвөрхангай аймаг руу явахаар тус машинд суусан бололтой.

Мөн өнгөрсөн дөрөвдүгээр сард Сүхбаатар дүүргийн 18 дугаар хорооны нутаг дэвсгэрт “Гэрт хүргэж ирсэн таксины жолооч хүчиндлээ" гэсэн дуудлагын дагуу шалгахад 24 настай Б-г согтуу биеэ хамгаалах чадваргүй байдлыг нь далимдуулан таксины жолооч хүчиндсэн байсныг цагдаагийн байгууллага үргэлжлүүлэн шалгаж байна. Сүүлийн үед хүчирхийлэл, хүчингийн хэргийн гаралт нэмэгдэж, гэмт этгээдүүд архи согтууруулах ундааны зүйл хэрэглэж, өөрийгөө хянаж, биеэ авч явах чадваргүй болсон охид, бүсгүйчүүдийг хүчирхийлэх тохиолдлууд гарсаар байгаа. Тиймээс шөнө оройн цагаар эмэгтэйчүүд ганцаараа таксинд суухдаа болгоомжтой байж, архи согтууруулах ундаа хэрэглэхгүй байх, хэрэглэсэн үедээ анхаарал болгоомжтой байхыг албаныхан анхааруулж байна.

Ж.Батсайхан

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ