ОХУ-ЫН ШИЙДВЭР ГҮЙЦЭТГЭХ ХОЛБООТОЙ ХАМТРАН АЖИЛЛАНА

p1cjdcdv8urt0os31pseum717c81.jpg ОХУ-ЫН ШИЙДВЭР ГҮЙЦЭТГЭХ ХОЛБООТОЙ ХАМТРАН АЖИЛЛАНА

ОХУ-ын Шийдвэр гүйцэтгэх холбооны албаны дарга, хурандаа генерал Д.В.Аристов, холбогдох албан тушаалтнуудын хамт энэ сарын 26-28-ны өдрүүдэд Монгол Улсад албан айлчлал хийж байна.

Айлчлалын хүрээнд зочид төлөөлөгчид Хууль зүй, дотоод хэргийн сайд Ц.Нямдоржтой уулзалт хийж, Нийслэлийн шүүхийн шийдвэр гүйцэтгэх газар, Цагдаагийн ерөнхий газрын шүүхийн аюулгүй байдлын үйл ажиллагаатай тус тус танилцан, харилцан туршлага солилцов.

Энэ үеэр Шүүхийн шийдвэр гүйцэтгэх ерөнхий газрын дарга, бригадын генерал Ц.Амгаланбаяр, Оросын Холбооны Улсын Шийдвэр гүйцэтгэх холбооны албаны дарга, хурандаа генерал Д.В.Аристов нар хамтран ажиллах "Санамж бичиг"-т гарын үсэг зурлаа. Талууд хамтын ажиллагааны хүрээнд иргэний, захиргааны хэргийн шүүхийн шийдвэрийг гүйцэтгэх чиглэлд хамтын ажиллагааг улам өргөжүүлэх, алба хаагчдыг харилцан солилцож, туршлага судлуулах, мэргэжлийн боловсон хүчин бэлтгэх, онол, практикийн мэдээлэл болон баримт бичиг солилцох, хамтарсан семинар, бага хурал болон бусад албаны хурал, арга хэмжээг зохион байгуулах юм.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ