ЕХ БОЛОН АНУ ХАРИЛЦАН ШИНЭЭР ТАТВАР НОГДУУЛАХГҮЙ БАЙХААР ТОХИРОЛЦЖЭЭ

p1cja846le1o8v138fjr0hfn1e9v7.jpg ЕХ БОЛОН АНУ ХАРИЛЦАН ШИНЭЭР ТАТВАР НОГДУУЛАХГҮЙ БАЙХААР ТОХИРОЛЦЖЭЭ

Худалдааны асуудлыг шийдвэрлэх талаар яриа хэлэлцээ үргэлжилж байх үед Европын Холбоо /ЕХ/ болон АНУ харилцан шинээр татвар ногдуулахгүй байхаар тохиролцжээ. Энэ тухай Европын Комиссын /ЕК/ тэргүүн Жан-Клод Юнкер АНУ-ын Ерөнхийлөгч Дональд Трамптай өнгөрсөн лхагва гарагт уулзсаныхаа дараа мэдэгджээ.

Түүнчлэн талууд аж үйлдвэрийн бараа бүтээгдэхүүнд ногдуулж буй татварыг тэглэх чиглэлд хамтран ажиллах болно гэж ЕК-ын тэргүүн мэдэгдэхийн сацуу энэхүү тохиролцоо нь Д.Трамптай хийсэн уулзалтынх нь гол зорилго байсныг онцлон тэмдэглэжээ.

Мөн талууд АНУ-аас Европын орнууд руу нийлүүлж буй шингэрүүлсэн байгалийн хийн импортыг нэмэгдүүлэх болон тус улсын ЕХ-ны улсуудад нийлүүлж буй шар буурцагны импортыг нэмэгдүүлэх боломжийг судлахаар болжээ.

Д.Трамп импортын ган болон хөнгөн цагаанд татвар ногдуулах шийдвэр гаргах үед АНУ болон ЕХ-ны эрх баригчдын харилцаа илт хөрөөд байсан билээ. ЕХ-ны улсууд АНУ-ын эсрэг хариу арга хэмжээ авч хэрэгжүүлсэн юм.
Э.Аянзаяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ