Чихэвч сонсголд муугаар нөлөөлдөг үү? Өнөөдөр 7 цаг 45 минут

zdbhzdb6zd41b6d.jpg Чихэвч сонсголд муугаар нөлөөлдөг үү? Өнөөдөр 7 цаг 45 минут

Орчин цагт гудамж талбайд хаа сайгүй хөгжим сонсон хөнгөн алхах залуусыг та харж болно. Чихэвчээр хөгжим сонсож яваа залуусыг хараад ахмад хүмүүс сонсгол муудна хэмээн зовинож “үглэх” нь элбэг. Тэгвэл чихэвчээр хөгжим сонсох нь үнэхээр сонсголд муугаар нөлөөлдөг үү?


Чихэвчний үүсэл

Чихэвчийг анх 1910 онд АНУ-ын Юта муж улсад оршин суух Натаниэль Балдвин гэгч зохион бүтээжээ. “Smithsonian” сэтгүүлд мэдээлснээр анхны хос чихэвчийг АНУ-ын тэнгисийн цэргийхэн худалдан авч байжээ. Энэ нь тэнгисийн радио станцын хөгжилд том хувь нэмэр оруулсан аж. Хөгжим сонсоход зориулсан анхны чихэвчийг дэлхийн II дайны дараахан “Koss” корпорацийг үүсгэн байгуулагч, жазз хөгжимчин Жон Косс бүтээсэн байна. Үүнээс 30 жилийн дараа “Sony” компани чихэнд багтдаг өнөөгийн бидний хэрэглэдэг чихэвчийг “Walkman”-д зориулан гаргасан аж. Гэхдээ 2001 онд “Apple” компани “iPod” гаргах хүртэл чихэвч төдийлэн нийтлэг хэрэглээ болж чадаагүй байжээ.

Удаан хугацаагаар чанга дуу хөгжим сонсвол “дүлийрнэ”

Чихэвчээр дуу, хөгжим удаан хугацаагаар чанга сонсвол сонсголд муугаар нөлөөлөх нь ойлгомжтой. Бидний чих 85 дб-ээс дээш дуу чимээнд гэмтдэг аж. Гэтэл АНУ-ын Вичитагийн их сургуулийн чих хамар хоолойн эмчийн судалснаар олонх оюутан дуу хөгжмийг 110-120 дб-ээр сонсдог нь тогтоогджээ. Хүн чанга дуу чимээнд нэг цаг 15 минут байхад түр зуур сонсох чадвараа алддаг аж. Үүнээс үзвэл хүүхэд, залуусын сонсгол муудах нь зайлшгүй юм. 1994 оноос хойш сонсгол муудах эмгэг 33 хувиар нэмэгдсэн гэж АНУ-ын Эрүүл мэндийн холбооноос мэдээлсэн байна.

Хэрэв та сонсголоо алдаж дүлий нэгэн болохыг хүсэхгүй байгаа бол 60 минутаас илүү хугацаанд хөгжим сонсохгүй бас хөгжмөө 60 хувиас дээш гаргахгүй байх хэрэгтэй юм. Түүнчлэн гадна дуу чимээг бүрэн хязгаарладаг чихэвчийг сонгох нь хөгжмөө тултал чангалах шаардлагагүй болгох юм.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ