САЙХАНДУЛААН СУМАНД БҮСИЙН ХУРДАН МОРИНЫ УРАЛДААН БОЛЖ БАЙНА

p1ciohupec1hv91jprankm4t66s3.png САЙХАНДУЛААН СУМАНД БҮСИЙН ХУРДАН МОРИНЫ УРАЛДААН БОЛЖ БАЙНА

Дорноговь аймгийн Засаг даргын шийдвэрээр тус аймгийн Сайхандулаан суманд аймгийн баруун бүсийн хурдан морины уралдаан долдугаар сарын 19-нд болж байна.
Энэхүү бүсийн хурдан морины уралдаанд Дорноговь, Өмнөговь, Сүхбаатар аймгийн нийт 13 сумын уяачид хурдан буянаа сойж хурдлуулж байгаа юм. Их насны морьдын уралдаанд нийт 52 хурдан буян гарааны зурхайгаас эргэснээс Сайхандулаан сумын уяач Г.Өлзий-Учралын хээр морь түрүүлсэн бол хурдан соёолонг тус аймгийн аварга малчин Х.Батсайханы будан өнгөлжээ.
Хурдан морьдын бай мөрийг Сайхандулаан сумын харьяат, улсын аварга малчин Ё.Эрдэнэбилэг дааж байгаа бөгөөд түрүүлсэн ажнайг нэг сая төгрөгөөр байллаа. Энэ жил Дорноговийн нутгаар долдугаар сар хүртэл хур бороогүй гантай байсан хэдий ч улсын наадмын өмнөхөн хоёр ч удаа устай бороо орсноор ган тайлагдаж ногоо урган, газар дэлхий сэргээд байна.
Х.Эрдэнэбулган

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ