ӨМНӨД СОЛОНГОСЫН КОМПАНИ АНУ-Д ХӨРГӨГЧ НИЙЛҮҮЛНЭ

p1cioqmuij1j0frko08t0o1ate3.jpg ӨМНӨД СОЛОНГОСЫН КОМПАНИ АНУ-Д ХӨРГӨГЧ НИЙЛҮҮЛНЭ

Өмнөд Солонгосын гэр ахуйн цахилгаан бараа үйлдвэрлэгч “Dayou Winia” компани ирэх оноос эхлэн АНУ-д 120000 хөргөгч нийлүүлэхээр болсон тухай тус компанийн төлөөлөгч пүрэв гарагт мэдээлснийг “Ёнхап” агентлаг уламжлав.

“Dayou Winia” компани таван төрлийн хөргөгчийг ирэх 2020 он хүртэл нийлүүлэх тухай хэлэлцээрт энэ долоо хоногийн эхээр гарын үсэг зурсан байна. Гэрээний нөхцөлийн дагуу Америкийн ямар брэндтэй гэрээ байгуулснаа мэдээлээгүй бөгөөд уг тохиролцоо нь 200 сая ам.долларын өртөг бүхий ажээ.

700 литр болон түүнээс дээш багтаамж бүхий олон тооны хөргөгчийг ирэх оны гуравдугаар сараас эхлэн АНУ руу нийлүүлэх ажээ. Энэ оны эхээр Өмнөд Солонгосын “Dayou” компани “Dongbu Daewoo Electronics” корпорацийг худалдан авч тус компанийн нэрийг “Daewoo Electronics” болгон өөрчилсөн юм байна.

Э.Хулан

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ