ХЭДЭН ЗУУН ХАЛИМ ЭРЭГ ДЭЭР ШИДЭГДСЭН БАЙНА.

qw_twqt_qw.png ХЭДЭН ЗУУН ХАЛИМ ЭРЭГ ДЭЭР ШИДЭГДСЭН БАЙНА.

Шинэ Зиландын Өмнөд аралын Farewell Spit газарт хэдэн зуун халим эрэг дээр шидэгдсэн байна. Ойролцоогоор 400 гаруй халим эрэг дээр шидэгдсэн бөгөөд 250-300 орчим нь үхсэн байдалтай бөгөөд Шинэ Зиландын амьтан хамгаалах нийгэмлэг ажилчид болон сайн дурын 500 орчим хүн халим аврах ажиллагаанд оролцсон. Аврах ажиллагааны үеэр халим дээр ус асгаж байхдаа халимын бие урагдсан байхыг ажигласан байна. 11-ны өдөр, өглөөний 09 цаг 15 минутын мэдээгээр ойролцоогоор 100 гаруй халим эрэг дээр байсан ба Байгаль Хамгаалах Газрын ажилтнууд орон нутгийн цагаар 11 цаг 30 минут гэхэд ажиллагаанд оролцож эхэлсэн.

Хөхтөн амьтан хамгаалдаг буяны байгууллагын сайн дурынхан хамтран аврах ажиллагаа хийсэн. “Өчигдөр өдрөөс хойш сайн дурынхантай нийлсэн нийт 200 гаруй халим буцааж усанд орууллаа, өнөөдөр 80 гаруй халим далайн усанд буцаан оруулсан ба 20 гаруй халимийг аврах боломжгүй болсон бөгөөд тэдгээрийг зовлонгүй үхүүлсэн. Нэгэнт амьдарч чадахгүй шархтай стрессдсэн халимийг ус руу буцааж оруулах бүтэлгүй оролдлого хийснээс хүнлэг энэрэнгүй ёсны үүднээс үхүүлэх шийдвэр гаргасан” гэж 14 цаг 20 минутанд Байгаль Хамгаалах Газар мэдэгдэл хийсэн байна.

Халимнууд яагаад сүрэг сүргээрээ эрэг дээр гарч ирсэн шалтгаан одоогоор тодорхойгүй байгаа бөгөөд маш олон таамаг дэвшүүлж байна.

Хамгийн ойролцоо таамаглал бол халимнууд дуугаар байрлал тогтоохдоо (echolocation) гүехэн налуу усанд муу байдаг бөгөөд Farewell Spit газрын эрэг халим эрэг дээр гарч ирдэг халуун цэгийн нэг болж байна гэж үзсэн байна. Үүнийг бас идэш тэжээлийн хомсдолтой холбож тайлбарлаж болно гэж Байгаль Хамгаалах Газар мэдэгдэлдээ цохон тэмдэглэсэн байна.

Энэ сарын 12-ны байдлаар Шинэ Зиландын Байгаль хамгаалах газраас мэдээлэхдээ Golden Bay эрэг дээр хамгийн ихдээ л 240 гаруй орчим халим эрэг дээр өндөр давалгаанд цохигдон дахин гарч ирсэн бөгөөд далайн давалгаан буцан орж 17 халим үлдсэн ба 2 завиар буцаан усанд нь оруулсан гэж мэдэгдсэн байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ