ЭХО БИЧЛЭГЭЭ ХАРААД ГАЙХСАНДАА…

e_rtewt_weteqw_q.jpg ЭХО БИЧЛЭГЭЭ ХАРААД ГАЙХСАНДАА…

Энэ гэр бүлийн хосууд олон жил үр хүүхэдтэй болохыг мөрөөдсөний эцэст гурван ихэртэй болох нь тэр. Энэ бол долоон жилийн өмнөх үйл явдал.

Харин бүсгүй ахиад жирэмсэлснийг мэдээд тэд үнэхээр гайхав, гэвч үүгээр зогссонгүй, хэт авиан оношлогооны үр дүнг хараад бараг шоконд оржээ!

Шинэ Орлеаны оршин суугч Кортни, Филипп Гаррет нар гэрлэсэн цагаасаа эхлэн үр хүүхэдтэй болохыг мөрөөдсөн хэдий ч санаагаар болсонгүй. Тэд удаан хугацаанд хүүхэд олохыг оролдсон боловч үр дүнд хүрэлгүй нэлээн хэдэн жилийн нүүр үзжээ.

 

“Хүүхэд тээх боломжгүй гэх үгийг сонсоход маш хүнд байсан” хэмээн Кортни WWL-TV-д ярилцлага өгөхдөө дурссан байна.

Хосууд хиймлээр үр тогтоох аргыг хэрэглэн хүүхэдтэй болохоор шийджээ. Ингээд Кортни жирэмсэлж чадсан бөгөөд зөвхөн ганц хүүхэд ч бус, бүр гурван ихрийг тээсэн аж. Ийнхүү урт удаан хугацааны үргүйдлийн эцэст Оливер, Жек, Элли хэмээх гурван ихэртэй болсон байна.

Үүнээс хойш долоон жилийн дараа хосууд ахин нэг хүүхэдтэй болохыг хүсчээ. Харин хэт авиан оношлогоонд орсны дараа тэд ахин гурван ихэр тээсэн нь тодорсон аж. “Ийм зүйл боломжтой гэдэгт би огтхон ч итгэхгүй байсан” хэмээн Кортни гайхан ярьсан байна. Оношлогооны хариу эмч нар болон эцэг эхийг нь бүрэн гайхашралд оруулсан аж.

 

Кортни зохиомлоор эхний удаа, өөрөө хоёр дахь удаагаа хүүхэд тээхдээ адилхан сард жирэмсэлсэн гэнэ. Энэхүү гайхалтай мэдээгээ гурван хүүхдэдээ төрсөн өдрөөр нь дуулгасан байна.

“Бид та нарт ямархуу гэнэтийн бэлэг бэлдсэнийг тааж байна уу?” гэж тэднээс асуухад, хүүхдүүд “нохой”, “тоглоом” гэх мэтээр хариулсан аж. Харин тэд гурван ихэр охин дүү хүлээж байгаа тухай сонсгоход эхлээд: “Үгүй ээ!” хэмээн хашгиралдсан гэнэ.

 

Гэвч найман сарын дараа Оливер, Жек, Элли нар Уэллс, Вивьен, Жоржи хэмээх гурван охин дүүгээ угтан авч, өөрсдийн үзэл бодлоо өөрчилцгөөсөн байна. Тэдэнд тус бүрд нь нэг охин дүү оноогдон, түүнийгээ асарч саатуулах үүрэг хүлээцгээсэн аж.

Ахин гурван хүүхэдтэй болсон нь Гарретынхныг байшингаа томсгохоос аргагүйд хүргэсэн тул Филипп Гаррет өөрийн Facebook хуудсанд одоо амьдарч буй байраа зарах тухай нийтэлсэн байна: “Байшингаа сольж нүүх тухай урд өмнө хэзээ ч бодож байсангүй, гэвч зургаан хүүхэд энд өсгөхөд үнэхээр хүндрэлтэй байна” хэмээжээ.

 

Гарретынхан хэзээ ч үр хүүхэдтэй болж чадахгүй нь гээд цөхрөх нь холгүй байсан цаг саяхан мэт. Гэтэл одоо бүр 6 хүүхэдтэй болчихсон байдаг. Амьдрал гэгч үнэхээр тааварлашгүй аж!

Д.Мигаа

Эх сурвалж: ZONE.MN

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ