ОРОС-ЯПОНЫ 2+2 УУЛЗАЛТ МОСКВА ХОТОД БОЛНО

p1cio85hbu12b0t3hehr1e2lmc93.jpg ОРОС-ЯПОНЫ 2+2 УУЛЗАЛТ МОСКВА ХОТОД БОЛНО

Япон болон ОХУ-ын гадаад хэргийн ба батлан хамгаалахын сайд нарын уулзалт энэ сарын сүүлээр Москва хотод болох тухай телевизийн “Эн-Эйч-Кэй” суваг мэдээлэв.

Тус хоёр улсын "2+2" хэлбэрийн сүүлийн уулзалт нь таван жилийн өмнө болж байсан бөгөөд өмнөх хоёр уулзалтыг Токиод зохион байгуулж байсан билээ. “Гурав дахь уулзалт Москва хотод долдугаар сарын 31-нд болно” гэж Оросын гадаад хэргийн яамны хэвлэлийн албаны төлөөлөгч Мариа Захарова өнгөрсөн лхагва гарагт мэдэгдсэн байна.

“Уулзалтын үеэр хоёр тал аюулгүй байдлыг хангах чиглэлээр харилцан итгэлцлийг бэхжүүлэх тухай хийгээд Японы өөрийгөө хамгаалах хүчин болон ОХУ-ын зэвсэгт хүчний хоорондын харилцааны тухай хэлэлцэнэ” хэмээн М.Захарова нэмж хэлжээ.

Өнгөрсөн тавдугаар сард болсон дээд хэмжээний уулзалтын дараа Орос улс "2+2" уулзалтыг Москва хотод зохион байгуулах санал тавьсан ажээ.

Э.Хулан

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ