АЛГАНЫХАА ХЭЭГЭЭР ЯМАР ХҮН БОЛОХОО СОНЖООРОЙ!

ewr_werw.jpg АЛГАНЫХАА ХЭЭГЭЭР ЯМАР ХҮН БОЛОХОО СОНЖООРОЙ!

Эрт дээр үеэс хүний хувь заяа алгандаа байдаг хэмээн үзэж, хүн бүр алганы хээгээ уншуулж, ирээдүйгээ мэдэхийг хүссээр иржээ. Энэ нь таны ажил үйлс, хайр дурлал, ирээдүй ямар байхыг дүрслэн үзүүлж, олон зүйлсийг хэлж өгөх толь болдог байна. Иймд бид та бүхэндээ алганыхаа хээгээр ямар хүн болохоо сонжих боломжийг олгох үүднээс энэхүү сонирхолтой мэдээллийг хүргэхээр бэлтгэлээ.

Алганыхаа хээгээр ямар хүн болохоо сонжоорой!

Хүний алган дээр 4 тод зураас байдаг. Харин эдгээр нь таны амьдрал, ажил үйлсийг тань ямар байхыг хэлж өгөх гол үндэс болдог байна. Хэрэв та баруун гараараа бичдэг бол баруун гараа, солгой гартай бол зүүн гарынхаа алгыг харж, өөрийгөө сонжоорой.

1 Зүрхэн зураас

Зүрхэн зураас нь тухайн хүний уран сэтгэмж, сэтгэл хөдлөлийг илтгэж харуулдаг. Зураас тод, урт үргэлжилсэн бол та хайр дурлалын тал дээр амжилттай, тун романтик хүн юм. Харин зураас тасалдаж, дунд хурууны доод хэсэгт ирээд зогссон бол, та хайрыг чухалчилж үздэггүй, урлагийн мэдрэмж багатай төдийгүй хувиа хичээсэн зантай хүн байж мэдэх юм. Тус зураас долоовор болон дунд хурууны голоос эхтэй бол, хайр дурлалдаа амжилттай байж, халуун дулаан уур амьсгалтай гэр бүлийг бий болгохын шинж ажээ.

Зүрхэн зураас

2 Ухааны зураас

Оюуны чадамж, юмсыг танин мэдэх ухаан, мэдлэгийг илэрхийлдэг. Муруй зураас нь бүтээлч, ургуулан бодох чадварыг харуулдаг бол, шулуун гүн зураас нь бат бөх үзэл бодлыг илэрхийлнэ. Хэрвээ энэхүү зураас нь богино бол, биеийн хүчний ажлыг илүүд үздэг, толгойгоо ажиллуулах дургүй, гүн урт байвал ухаалаг, цэгцтэй, харин салаалсан, тасалдсан зураас байвал оюун санааны зөрчилтэй, туйлбаргүй хүн болохыг тус тус илтгэдэг байна.

Ухааны зураас

3 Амьдралын зураас

Эрхий хурууны дээд хэсгээс эхлээд алганы доод хэсэг хүртэл үргэлжлэх нумарсан хэлбэртэй зураасыг хэлдэг. Энэ нь амьдралын ерөнхий чиг хандлага, ноён нуруу, эрүүл мэнд, насыг тодорхойлогч юм. Хэрвээ тус зураас эрхий хуруутай ойрхон эхтэй байвал таны амьдрал тийм ч гэрэл гэгээтэй биш болохыг харуулдаг. Харин урт гүн зураас нь аз жаргалтай амьдрахыг илтгэдэг байна. Эсрэгээрээ богино, бүдэг байвал бусдад амархан мэхлэгддэг, гэнэн цайлган зантай болохыг илтгэнэ. Мөн зарим хүмүүсийн ухааны зураас олон салаалсан байдаг. Энэ нь урт нас, боломжоор дүүрэн амьдралыг илэрхийлдэг гэнэ.

Амьдралын зураас

4 Хувь тавилангийн зураас

Энэхүү зураас нь ирээдүйн амьдрал, хувь тавилан болон ажил, амжилтыг тодорхойлдог. Хувь тавилангийн зураас гүн, тод байх тусам хүсэл эрмэлзэл ихтэй, маш азтай хүн гэсэн үг юм. Харин зураас бүдэг, тасалдсан байвал өөртэйгөө зөрчилддөг, амьдралд бартаа саад учрахыг зөгнөдөг төдийгүй тухайн хүн өөртөө итгэлгүй, амжилтын төлөө тэмцэж чаддаггүй болохыг харуулдаг байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ