БАЯНЗҮРХ ДҮҮРГИЙН НУТАГ ОРЧМООР ААДАР БОРОО ГОЛЧЛОН ОРЖЭЭ

dffcs.jpg БАЯНЗҮРХ ДҮҮРГИЙН НУТАГ ОРЧМООР ААДАР БОРОО ГОЛЧЛОН ОРЖЭЭ

Өчигдөр буюу 2018 оны 7 дугаар сарын 17-нд нийслэлд дөрвөн удаагийн түр зуурын  усархаг аадар бороо орсноос 13 цагийн үед орсон бороонд  Баянзүрх дүүрэгт байрлах айл өрх, аж ахуй нэгжүүд усанд автсан байна. Үүнээс 96 дуудлага ирж, 76 дуудлагад ОБЕГ-аас очиж аврах ажиллагаа явуулж заавар зөвөлгөөг өгсөн байна. 20 гаруй байгууллагын усаар дүүрсэн хэсгийг аюулгүй болгож, усыг нь соруулжээ.

Энэ үерийн үеэр тус дүүрэгт хоёр иргэн амиа алдсан харамсалтай хэрэг гарсан байна.

“Баянзүрх дүүргийн 9-р хороо болон 11-р хороонд нэг нэг хүн осолдсон. Тодруулбал есдүгээр хорооны иргэн жалганд хэвтэж байсныг харсан хүн эрүүл мэндийн байгууллагад мэгдэгдэж, үүний дараа бороонд урссан бол 11-р хороонд амиа алдсан иргэн голын эрэг нурж  үерт нэрвэгдсэн . Мөн энэ үеэр гэрлийн шон унах, зам харгуй эвдрэх зэрэг хохирол үүсээд байна. Одоогоор хохиролын хэмжээг тодорхойлоогүй байгаа бөгөөд сэргээн засварлах ажил хийгдэж байна” хэмээн НОБГ-ын дарга, хурандаа Ж.Чүлтэмсүрэн мэдэгдлээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ