ЯПОН, ЕХ ЧӨЛӨӨТ ХУДАЛДААНЫ ХЭЛЭЛЦЭЭР БАЙГУУЛЛАА

p1cilu0h76cpl17a5122t1p8p11sb3.jpeg ЯПОН, ЕХ ЧӨЛӨӨТ ХУДАЛДААНЫ ХЭЛЭЛЦЭЭР БАЙГУУЛЛАА

Япон болон Европын Холбоо хэдэн жил хэлэлцээ хийсний эцэст чөлөөт худалдааны хэлэлцээр байгууллаа. Эдийн засгийн хамтын ажиллагааны энэхүү хэлэлцээр нь дэлхийн нийт худалдааны эргэлтийн 40 хувь, дэлхийн дотоодын нийт бүтээгдэхүүний 30 хувийг хамарч байгаа юм. Мөн энэхүү гэрээгээр Япон болон ЕХ-ны аль аль талын бараа бүтээгдэхүүнд ноогдуулах татварыг чөлөөлөхийг уриалжээ.

Хэлэлцээрт гарын үсэг зурах ёслолд Японы Ерөнхий сайд Шинзо Абэ, Европын Зөвлөлийн дарга Дональд Туск, Европын Комиссын дарга Жан-Клод Юнкер нар оролцсон байна.

Энэхүү гэрээгээр Японы тал ЕХ-ноос импортлох бараа бүтээгдэхүүний 94 хувийг, харин ЕХ Японоос импортлох бараа бүтээгдэхүүний 99 хувийг татвараас чөлөөлөх үүрэг хүлээжээ. Талууд уг гэрээг яаралтай парламентаараа батлуулан ойрын хугацаанд хэрэгжүүлж эхлэх зорилготой байна.

Хэлэлцээрт гарын үсэг зурах үйл ажиллагааны дараа болсон хэвлэлийн бага хурлын үеэр Шинзо Абэ уг гэрээ чухал ач холбогдолтойг онцлон тэмдэглээд, улс төрийн тогтвортой байдал нь дэлхий дахиныг чөлөөт худалдаа руу хөтлөх болно гэж мэдэгджээ.

Д.Нямтулга

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ