ТАРВАГАН ТАХЛЫН ЭСРЭГ ДАРХЛААЖУУЛАЛТАД ИДЭВХТЭЙ ОРОЛЦОХЫГ САНУУЛАВ

p1cils5ot05c7124bdutrm81vr23.jpg ТАРВАГАН ТАХЛЫН ЭСРЭГ ДАРХЛААЖУУЛАЛТАД ИДЭВХТЭЙ ОРОЛЦОХЫГ САНУУЛАВ

Тарваган тахлаас сэргийлэх зорилгоор тахлын эсрэг дархлаажуулалт долдугаар сарын 16-наас 27-ны өдрийг хүртэл улсын хэмжээнд явагдаж байна. Тарваган тахал нь мэрэгч амьтдаас хүнд халддаг гоц аюулт халдварт өвчин юм.
Тарваган тахлаар тарвага, зурам, үхэр огодой, үлийн болон гэрийн цагаан оготно, чичүүл зэрэг мэрэгчдээс гадна хүн өвчилдөг. Өвчин үүсгэгчийг мэрэгчдийн дунд бүүрэг дамжуулдаг. Өвчин үүсгэгч нь мэрэгчдийн арьсанд 23 хоног, хоол хүнсэнд 2-4 сар, өвчтний цэр, идээ, цусанд 4-165 хоног өвчин үүсгэх чадвартайгаар хадгалагддаг аж.
Дархлаажуулалтад тарваган тахлын голомт нутагт амьдардаг эрсдэлд бүлгийн хүн ам, эрүүл мэндийн байгууллагын ажилтнууд, Онцгой байдлын албан хаагчид, хууль сахиулах байгууллагын албан хаагчид, биологи геологийн судлаач нарыг хамруулах юм. Дээрх байгууллагад хамааралтай хүмүүс харьяа дүүрэг эрүүл мэндийн төвүүдэд дархлаажуулалтад хамрагдах бөгөөд 6 наснаас дээш насны хүмүүс хамрагдах заалттай. Тиймээс энэ дархлаажуулалтад идэвхтэй оролцохыг иргэдэд сануулж байна.

Ж.Батсайхан

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ