АЗИЙН НААДАМД ХОЁР СОЛОНГОСЫН УДИРДАГЧДЫГ ОРОЛЦОНО ХЭМЭЭН НАЙДАЖ БУЙГАА ИЛЭРХИЙЛЖЭЭ

p1cilp3c4e117e1ae52r0694u9g3.jpg АЗИЙН НААДАМД ХОЁР СОЛОНГОСЫН УДИРДАГЧДЫГ ОРОЛЦОНО ХЭМЭЭН НАЙДАЖ БУЙГАА ИЛЭРХИЙЛЖЭЭ

Индонез улсын Ерөнхийлөгч Жоко Видодо ирэх наймдугаар сард тус улсын нийслэл Жакарта хотод болох Азийн наадамд Умард болон Өмнөд Солонгосын удирдагчдыг оролцоно хэмээн найдаж буйгаа илэрхийлснийг “Эн-Эйч-Кэй” телевиз уламжлав.

Ж.Видодо ирэх сард болох гэж буй Азийн наадмыг идэвхтэйгээр сурталчилж байгаа билээ. “Умард Солонгосын Удирдагч Ким Жөн Ун болон Өмнөд Солонгосын Ерөнхийлөгч Мүн Жэ Ин нарыг Индонези улсад хүрэлцэн ирж, спортын тэмцээн үзнэ хэмээн найдаж байна” гэж тэрбээр “Эн-Эйч-Кэй” телевизэд өгсөн ярилцлагадаа тэмдэглэсэн байна.

“Хоёр удирдагчийн аль аль нь хариу ирүүлээгүй байгаа хэдий ч тэдний айлчлал нь спортоор дамжуулан энх тайван, найрамдлыг бэхжүүлэх ихээхэн нөөц боломжийг илтгэн харуулах юм. Энэ жилийн Азийн наадам амжилттай болно гэдэгт итгэж байна” гэж Индонезийн ерөнхийлөгч нэмж хэлсэн байна. Тэрбээр ерөнхийлөгчийн албан тушаалыг хаших эхний хугацаагаа дипломат харилцаанд амжилт гарган дуусгах зорилгоор дээрх хоёр улсын удирдагчид урилга явуулсан болов уу хэмээн ажиглагчид үзэж байгаа ажээ.

Э.Хулан

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ