ДОЛООН СУМ БЭЛЧЭЭРИЙН МЕНЕЖМЕНТИЙН ТӨЛӨВЛӨГӨӨТЭЙ БОЛЛОО

p1ciljah0bdh0oha1qc4lmhui03.jpg ДОЛООН СУМ БЭЛЧЭЭРИЙН МЕНЕЖМЕНТИЙН ТӨЛӨВЛӨГӨӨТЭЙ БОЛЛОО

Мерси Кор Монгол ОУБ-ын LTS-2 буюу "Гамшгийн эрсдлийг бууруулахад уламжлалт болон шинжлэх ухааны аргыг ашиглах нь 2" төсөл зорилтынхоо хүрээнд Монгол орны 45 сум “Бэлчээрийн менежментийн дунд хугацааны төлөвлөгөө” боловсруулах зөвлөх үйлчилгээг үзүүлж байгаа юм.

Энэхүү үйлчилгээнд Ховд аймгийн Мянгад, Эрдэнэбүрэн, Ховд, Манхан, Мөнххайрхан, Булган, Үенч зэрэг долоон сум хамрагдаж байна. Өнгөрсөн хавар 04 дүгээр сард Мянгад, Эрдэнэбүрэн сум бэлчээрийн менежментийн төлөвлөгөөг боловсруулан албан ёсоор хүлээн авсан бол энэ удаа Ховд, Манхан, Мөнххайрхан сумууд бэлчээрийн менежментийн төлөвлөгөөг бэлэн болгож, энэ 7 сарын 4-5-ны өдрүүдэд сумдын удирдлагуудад нь албан ёсоор хүлээлгэн өглөө.
Бэлчээрийн менежментийн төлөвлөгөөтэй болсноор цаашдаа бэлчээр ашиглах бүх нийтээр дагаж мөрдөх журмаа бүртгүүлж, гэрчилгээжүүлж, гэрээг байгуулж нөхөрлөл, хоршоо байгуулан цахим бүртгэлтэй болох шийдэлд хүрч байна.
Олон жил яригдсан бэлчээрийн даацын асуудлыг нэг суманд загвар төлөвлөгөө боловсруулж хэрэгжүүлснээр малчид өр зээлгүй, олон малын хойноос хөөцөлдөж ядрахгүй, бэлчээрээ булаалдахгүй гээд олон эерэг зүйл бодит амьдрал дээр биеллээ олоход Мерси ОУБ, Ногоон алт хөтөлбөрүүд малчдаас гарсан санаачлагуудыг илүү дэмжих болно гэсэн юм.
А.Бямбасүрэн

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ