АЛТАН-ӨЛГИЙН ГАЗРЫН ХЭМЖЭЭГ ОРШИН СУУГЧДЫН ХҮСЭЛТЭЭР ӨӨРЧИЛЛӨӨ

p1cilpv0041b711tvfteh4ba1abh1.jpg АЛТАН-ӨЛГИЙН ГАЗРЫН ХЭМЖЭЭГ ОРШИН СУУГЧДЫН ХҮСЭЛТЭЭР ӨӨРЧИЛЛӨӨ

НИТХ-аас Алтан-Өлгийн оршуулгын газрын хамгаалалтын бүсийн талбайн хэмжээг хумьж тогтоосон шийдвэр гараад байна.
Энэ талаар НИТХ-ын төлөөлөгч Н.Баярмөнхөөс тодруулбал, “Төр, нийгмийн зүтгэлтэн, нэр хүнд бүхий хүмүүсийг нутаглуулдаг Алтан-Өлгийн оршуулгын газар нь хамгаалалтын бүсэд байдаг бөгөөд тохижолт болон зэргэлдээ суурьшлын бүсийг харгалзан 2015 онд НИТХ-аас хамгаалалтын газрыг өргөжүүлж нэмсэн шийдвэр гарсан юм билээ. Гэтэл өргөжүүлсэн газарт нь тэнд 10-20 жил суурьшиж байгаа 30-аад айл орсноос өнгөрсөн хугацаанд тэдгээр айлын газрын зөвшөөрлөөс аваад цахилгаан, усан хангамж доголдож гачигдах хүндрэлтэй байдал үүссэн юм. Үүнийг шийдэхийн тулд тухайн айлуудын иргэд оршин суугчид хамгаалалтын бүсээс гаргаж өгөх буюу хамгаалалтын бүсийг хумьж хуучин байдлаар нь буюу 2005 оны Засгийн газрын тогтоолоор нь байлгах саналыг НИТХ-д тавьсан юм. Бид иргэдийн саналыг харгалзан тэдний хүсэлтийг Нийслэлийн Захирагчийн ажлын алба, Газрын алба зэрэг холбогдох газруудад уламжилж, тэдгээр газраас байдалтай нь газар дээр нь очиж танилцаж улмаар НИТХ-д асуудал оруулснаар НИТХ-ын Тэргүүлэгчдийн хуралдаанаар Алтан-Өлгийн оршуулгын газрын хамгаалалтын бүсийн талбайн хэмжээг хумьж өөрчлөх асуудлыг хэлэлцэж шийдвэр гаргаад байна” гэв.
Дээрх байдал нь нийслэлд оршуулгын газар суурьшлын бүс бараг холилдох болсноос үүдэлтэй юу гэсэн асуултанд тэрээр “Тиймээ. Гэхдээ Алтан-Өлгийн оршуулгын газрын хувьд тохижолт сайн учир гэр хороололтойгоо замбараагүй холилдсон байдал байхгүй. Гагцхүү энд газрын хэмжээ яригдсан нь энэ юм. Өмнө нь 2015 оны НИТХ-ын тогтоолоор Алтан-Өлгийн газрыг өргөжүүлэхдээ газар дээр нь байдалтай танилцаагүй, иргэдийн саналыг авалгүйгээр шийдвэр гаргасан юм билээ” гэсэн хариулт өгөв.
Б.Болд

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ