ТАРВАГАН ТАХЛЫН ЭСРЭГ ДАРХЛААЖУУЛАЛТ УЛСЫН ХЭМЖЭЭНД ҮРГЭЛЖИЛЖ БАЙНА

p1cilntr6u1bvr1u8v153m19959ug3.jpg ТАРВАГАН ТАХЛЫН ЭСРЭГ ДАРХЛААЖУУЛАЛТ УЛСЫН ХЭМЖЭЭНД ҮРГЭЛЖИЛЖ БАЙНА

Тарваган тахлын эсрэг дархлаажуулалт энэ сарын 16-27-нд улсын хэмжээнд явагдаж байна.

Дархлаажуулалтад тарваган тахлын голомт нутагт амьдардаг эрсдэлд бүлгийн хүн ам, эрүүл мэндийн байгууллагын ажилтнууд, Онцгой байдлын албан хаагчид, хууль сахиулах байгууллагын албан хаагчид, биологи геологийн судлаач нар хамрах юм. Эдгээр иргэд харьяа сум, дүүргийн Эрүүл мэндийн төвүүдэд дархлаажуулалтад үнэ төлбөргүй хамрагдах боломжтой. Насны хувьд 6-аас дээш насны хүмүүс хамрагдах заалттай аж.
Дархлаажуулалтад идэвхтэй хамрагдахыг Зоонозын өвчин судлалын үндэсний төвөөс иргэдэд уриалж байна.
Тарваган тахлаас урьдчилан сэргийлэхийн тулд Сэжиг бүхий үхсэн мэрэгч амьтдын сэг зэмтэй тааралдвал мэргэжлийн байгууллагад хандах, нохой зууж ирсэн тарвагад хүрэхгүй байх, хөдөлгөөн нь удааширсан тарвагыг агнахгүй байх, арьс, махыг ашиглахгүй байх, тарвагыг нохойгоор бариулах, хавхаар агнахыг цээрлэх, өвчний шинж тэмдэг илэрсэн тохиолдолд эмнэлгийн байгууллагад мэдэгдэх гэхдээ өвчтөнтэй ойр байсан хүнээр хэл хүргүүлэхээс татгалзах, учир нь халдвар тархаж болзошгүй юм. Мөн сэжигтэй өвчтөн болон эд материалтай холилдсон хүнийг тусгаарлах, сэжиг бүхий эд материал, өвчтөний хэрэглэж байсан зүйлсд онош тодрохоос нааш хүрэлцэхгүй байх, тарвага агналтыг зөвшөөрсөн газарт, тогтоосон хугацаанд сэргийлэх тарилга хийлгэсэн хүн хийх, ан хийж байх үедээ халад, бээлий хэрэглэж занших, гэртээ тарвага өвчих, нойтон арьс хадгалах, боловсруулаагүй мах оруулахыг цээрлэх, голомттой нутгийн анчид, арьсны наймаачид, тарваганы мах идэх дуртай хүмүүсийг сэргийлэх вакцинд хамруулах шаардлагатай юм.

Ж.Болор

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ