ЖЕЙМС МЭТТИС ОХУ-ЫН БАТЛАН ХАМГААЛАХЫН САЙДТАЙ ЯРИА ХЭЛЭЛЦЭЭ ХИЙХЭД БЭЛЭН БАЙНА

p1cilndse55m5hbn1so67tbnrq3.jpg ЖЕЙМС МЭТТИС ОХУ-ЫН БАТЛАН ХАМГААЛАХЫН САЙДТАЙ ЯРИА ХЭЛЭЛЦЭЭ ХИЙХЭД БЭЛЭН БАЙНА

АНУ-ын батлан хамгаалахын сайд Жеймс Мэттис ОХУ-ын батлан хамгаалахын сайд Сергей Шойгутай яриа хэлэлцээ хийхэд бэлэн байгаа тухай “Коммерсант” сонин мэдээлэв.

“Ройтерс” агентлагийн мэдээлснээр, энэ талаархи асуудал ОХУ-ын Ерөнхийлөгч Владимир Путин болон АНУ-ын Ерөнхийлөгч Дональд Трампын Хельсинкид болсон уулзалтын дараа яригдах болжээ. Хоёр улсын батлан хамгаалахын сайд нар хувийн уулзалт хийх үү аль эсвэл утсаар яриа хэлэлцээ хийх үү гэдэг нь тодорхойгүй байна. Энэхүү яриа хэлэлцээ нь Орос-Америкийн батлан хамгаалахын сайд нарын түвшинд сүүлийн 3 жилд хийж буй анхны яриа хэлэлцээ болж магадгүй байна.

Сирийн асуудал болон аюулгүй байдлын бусад тулгамдсан асуудлуудыг хэлэлцэхээр Америк болон Оросын цэргийнхэн харилцаа холбоогоо идэвхжүүлэхэд бэлэн байна гэж Оросын БХЯ-ны төлөөлөгч Игорь Конашенков өмнө нь мэдэгджээ.
Э.Аянзаяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ