БУЯНТ ГОЛ ДАГУУ МЭРГЭЖЛИЙН БАЙГУУЛЛАГУУД ХАМТАРСАН ШАЛГАЛТ ХИЙВ

p1cilit1gt1l5jaik1b6c1fcs1dfm3.jpg БУЯНТ ГОЛ ДАГУУ МЭРГЭЖЛИЙН БАЙГУУЛЛАГУУД ХАМТАРСАН ШАЛГАЛТ ХИЙВ

Ховд аймгийн Мэргэжлийн хяналтын газар, Байгаль орчин аялал жуулчлалын газар, Жаргалант сумын Засаг даргын тамгын газар, Хар-Нуур Ховд голын сав газрын захиргааны дарга нарын хамтран баталсан удирдамжийн дагуу Буянт голын сав газарт шалгалт хийв.
Буянт гол дагуу зусаж байгаа айл өрхийн орчны бохирдолтын байдал, хогийн цэг, жорлон зэргийг ашиглахдаа Монгол Улсын Хог хаягдлын тухай, Байгаль орчныг хамгаалах тухай, Зөрчлийн тухай, Төрийн хяналт шалгалтын тухай хуулиуд болон холбогдох стандарт дүрэм, журмыг мөрдөж байгаа эсэхэд хамтран хяналт шалгалт хийв. Голын усны түвшин нэмэгдсэнтэй холбоотойгоор ард иргэд үерийн уснаас хамгаалах суваг, хашлага хийгээгүй, аялал зугаалга амралтаар явж байгаа болон зусланд гарсан айлууд хог хаягдлаа голын дагуу хаяж усыг бохирдуулж байсан нь шалгалтаар илэрчээ. Түүнчлэн зусланд гарсан айлуудын жорлон, бохирын цооног хамгаалалтын бүсэд байгаа нь газрын доорх усаар дамжин голын усыг бохирдуулах нөхцөл үүсжээ.

Зарим иргэд согтууруулах ундаа хэтрүүлэн хэрэглэж голын усанд орох болон бага насны хүүхдийг хараа хяналтгүй орхисноос амь нас эрүүл мэндээрээ хохирох зэрэг байдал олонтаа ажиглагдаж, мэргэжлийн байгууллагуудын хараа хяналтад өртөөд байна.
Иймд ард иргэд дээрх эрсдэлээс урьдчилан сэргийлж гэрээ голын эрэгт хэт ойр барихгүй байх, хог хаягдлаа ил задгай хаяхгүй байх, нүхэн жорлондоо ариутгал, халдваргүйтгэл хийлгүүлэх, бага насны хүүхдээ хараа хяналтгүй орхихгүй байхыг сэрэмжлүүлж байна.
А.Бямбасүрэн

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ