“РОМЕО, ЖУЛЬЕТТА” ШИГ ХАЙР БАЙДГИЙГ 3000 ЖИЛИЙН ӨМНӨХ ДУРСГАЛ НОТЛОВ

sei_21206902.jpg “РОМЕО, ЖУЛЬЕТТА” ШИГ ХАЙР БАЙДГИЙГ 3000 ЖИЛИЙН ӨМНӨХ ДУРСГАЛ НОТЛОВ

Алдарт “Ромео, Жульетта” хоёрынх шиг эмгэнэлт тууж бодит амьдралд байдаг болов уу? Тэгвэл эрдэмтэд саяхан Украины Тернополь хотын өмнө хэсэгт орших Петрикив тосгоноос балар эртний хосын бунханг олжээ.

Судалгааг удирдсан профессор Микола Бандривский “Эрэгтэй, эмэгтэй хоёр хүн өөд өөдөөсөө ширтэлцэн чанга тэврэлдэж буй байрлалтай маш ховор дурсгал байна. Эмэгтэй нь баруун гараараа нөхрөө чанга тэвэрч, өвдгөө нугалаад цээжийг нь дэрлэн хэвтжээ. Нэгэнт нас барж, бие нь хөрсөн хүнийг ингэж байрлуулах боломжгүй. Тиймээс эмэгтэй нь хайртай нөхрөө алдсандаа гашуудаж, хор уугаад булшинд орж хэвтсэн байх магадлалтай” гэжээ.

Тэдний толгой дээр хүрэл гоёл чимэглэл, аяга, бортого байрлуулсан байсан бөгөөд ойролцоогоор 3000 жилийн настай гэж дүгнэжээ. Эрт цагт эмэгтэйчүүд нөхөртэйгөө нөгөө ертөнцөд уулзана гэж итгэсэндээ амиа хорлодог байсан гэж таамаглаж буй юм. Хүрэл зэвсгийн сүүл үед хүмүүс гэрлэлт, эхнэр нөхрийн үүрэг хариуцлагыг бүрэн ухамсарлаж эхэлсэн гэж үздэг. Мөн хүний сүнс мөнх оршдог гэж итгэдэг байсан учраас бие биенээ хүндэтгэн хайрлаж буйг бэлгэдэн хосуудыг хамт оршуулах соёл дэлгэрч байжээ.

Эх сурвалж: metro.co.uk

Ardchilal.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ