ОРХОН АЙМГИЙН ТӨРИЙН БАЙГУУЛЛАГУУД E-OFFICE ПРОГРАММ АШИГЛАЖ ЭХЭЛЛЭЭ

p1cijgem7mqdn1b504ec1rttjqh3.png ОРХОН АЙМГИЙН ТӨРИЙН БАЙГУУЛЛАГУУД E-OFFICE ПРОГРАММ АШИГЛАЖ ЭХЭЛЛЭЭ

Орхон аймгийн ЗДТГ дотоод системдээ e-office программ ашиглаж эхэллээ. Ингэснээр төрийн 80 гаруй байгууллага нэгдсэн сүлжээнд холбогдож мэдээллийг шуурхай дамжуулах, цаасны хэрэглээг бууруулах, цаг, хугацаа, орон зайг үл харгалзан албан бичиг, мэдээлэлтэй танилцах зэрэг олон давуу тал бий болж байна.

Мөн “Иргэдийн санал хүсэлтийг хүлээн авах 7035-3511” утсанд ирсэн мэдээлэлтэй орон нутгийн удирдлагууд шууд танилцдаг болж байгаа юм. Түүнчлэн Засаг даргаас өгсөн үүрэг даалгавартай төрийн 80 гаруй байгууллагын удирдлагууд шууд танилцаж биелэлтээ илгээж харилцан мэдээлэл солилцох, шуурхай шийдвэрлэх боломж бүрджээ.

Е-office системд нийт 20 мянга гаруй программ ажиллаж байна. Тодруулбал, Засаг даргын захирамж гаргахын тулд өмнө нь цаасан хэлбэрээр зөвшөөрөл авч гарын үсгийн бүрдүүлэлт хийдэг байсан бол одоо Е-office –р илгээж цахимаар зөвшөөрөл авдаг болсон. Энэ нь цаг хугацаа, цаасыг ихэд хэмнэж байгаа юм. Түүнчлэн УИХ, Засгийн газрын тогтоол шийдвэрийг төрийн 80 гаруй байгууллагын 3000 орчим албан хаагчид шууд илгээх боломжтой болж байна. Уг программыг өнгөрсөн тавдугаар сараас төрийн бүх байгууллагуудад суурилуулж эхлээд байна.
Б.Оюун-Эрдэнэ

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ